اک بہادر لڑکی

جس میں غیرت ہو وہی بہادر ہوتا ہے اور جو بہادر ہو وہی لڑتا ہے۔ اپنی عزت اور آبرو کی حفاظت کرتا ہے۔ اسی لئے اللہ تعالیٰ نے اپنے پیارے نبی ﷺ کی پاک بیویوں کو مخاطب کرتے ہوئے فرمایا!

اے (میرے پیارے) نبیﷺ کی خواتین! تمہارا مقام عام عورتوں سے بہت اونچا ہے۔ اسے برقرار رکھنے کے لئے لازم ہے کہ (اللہ سے) ڈرتی رہو۔ (کسی شخص سے بات کرنا پڑ جائے) تو گفتگو میں ایسی نزاکت و نرمی نہ ہو کہ جس کے دل میں بیماری ہو وہ لالچ کرنے لگ جائے لہٰذا بات کرو تو معروف طریقے سے بات کرو (احزاب: 32)

سبحان اللہ!

اللہ تعالیٰ اپنے پیارے نبیﷺ کی پاک خواتین کو مزید پاکیزگی کا درس دے رہا ہے۔ عزت کی حفاظت میں پاکیزگی سے ہی غیرت اور بہادری پیدا ہوتی ہے لہٰذا ہماری ساری مائیں بڑی بہادر تھیں۔ حضرت عائشہؓ کی بہادری تو احد کے غزوہ میں بھی نظر آتی ہے جہاں آپ زخمیوں کو پانی پلاتے اور مرہم پٹی کرتے نظر آتی ہیں، دیگر صحابیات آپ کے ہمراہ دکھائی دیتی ہیں۔

سورۂ احزاب میں اس تاریخی غزوہ کا تذکرہ ہے جس میں دس ہزار کی تعداد میں مکہ کے مشرک مدینہ منورہ کا محاصرہ کرنے آئے تھے، ایک مہینہ کے قریب یہ محاصرہ جاری رہا، اللہ کے رسولﷺ اپنے سات سو کے قریب دلیر صحابہ کے ساتھ خندق کھود کر دشمن کے سامنے سینہ سپر تھے۔ مدینہ شہر میں ایک جگہ عورتوں اور بچوں کو اکٹھا کر دیا گیا تھا۔

یہودی جو اندر سے مشرکوں سے ملے ہوئے تھے، ان کا پروگرام تھا کہ اندر سے ہم حملہ کریں گے، انہوں نے اپنا ایک یہودی جاسوس بھیجا کہ وہ معلوم کرے کہ جہاں عورتیں اور بچے ہیں وہاں اگر مسلمان مرد حفاظت کے لئے نہ ہوں تو عورتوں اور بچوں کو اپنی تحویل میں لے لیا جائے۔ اب جب ان کا جاسوس آیا اور مطلوبہ جگہ کے اردگرد پھرنے لگا تو اللہ کے رسولﷺ کی پھوپھی جان حضرت صفیہؓ نے اسے دیکھ لیا چنانچہ انہوں نے خطرہ بھانپتے ہوئے اوپر سے پتھر پھینکا جو اس یہودی کے سر پر لگا اور وہ وہیں ڈھیر ہو گیا۔
باقی یہودی جو پیچھے فاصلے پر کھڑے تھے وہ سہم گئے اور کہنے لگے، یہاں تو مسلمانوں کا لڑاکا دستہ موجود ہے۔ یوں مسلمان خواتین اور بچوں کی جان اور عزتوں کو بچایا تو اللہ کے رسولﷺ کی پھوپھی حضرت صفیہؓ نے بچایا۔ اللہ کے رسولﷺ ساری امت سے بڑھ کر بہادر تھے۔ آپ کی پھوپھی جان بھی بہادر تھیں اور پھوپھی جان کے بھائی حضرت حمزہؓ بھی بہادر تھے وہ تو سید الشہداء تھے۔

فلسطینی بہادر لڑکیوں کے بھی کئی واقعات ہیں۔ کشمیری لڑکی مجھے نہیں بھولتی جس کی عزت کے درپے ایک ہندو مشرک فوجی ہوا تو اس نے خنجر کا وار کر کے مشرک ہندو فوجی مردار کر دیا۔ عراق میں ایک عرب لڑکی نے بھی امریکی فوجی کے ساتھ ایسا ہی سلوک کر کے مار دیا لیکن پیچھے کھڑے دوسرے فوجی نے اس دلیر لڑکی کو گولی مار کر شہید کر دیا۔ وہ دلیر مسلمان لڑکی اپنی عزت بچا لے گئی۔ امریکی درندے کو جان سے مار گئی اور خود شہادت پا گئی (ان شاء اللہ)

فرانس وہ ملک ہے جس میں باقی یورپین ملکوں کی نسبت سب سے زیادہ مسلمان آباد ہیں۔ وہاں تعصب بھی بہت زیادہ ہے۔ حجاب اور سکارف کا مسئلہ سب سے زیادہ یہیں پیدا ہوا۔ سکارف لینے والی غیرت مند مصری خاتون مروہ کا قتل بھی یہیں ہوا۔ عدالت میں انہیں شہید کیا گیا۔ جرمنی کا حال بھی ایسا ہی ہے۔ عامر چیمہ کو جرمنی نے ہی شہید کیا تھا اور اب بہادری کا ایوارڈ بھی جرمنی کے ملک نے ایک مسلمان لڑکی ہی کو دیا۔ اس لڑکی کا نام ’’نوبچے‘‘ ہے۔ یہ مسلمان لڑکی ہے جو جرمنی میں پیدا ہوئی اور جوان ہوئی۔
برلن کے بعد فرینکفرٹ جرمنی کا ایک بڑا شہر ہے، اس شہر کے نواح میں ایک قصبہ ہے جس کا نام ’’اوفن باخ‘‘ ہے۔ یہاں کے ایک ریسٹورنٹ میں دو لڑکیاں کھانا کھانے کے بعد واش روم میں گئیں تو ایک جرمن گورے صلیبی نے ان کے ساتھ زیادتی کی کوشش کی۔ انہوں نے شور مچایا تو مسلمان لڑکی نے مظلوم لڑکیوں کی مدد کے لئے گورے صلیبی پر حملہ کر دیا۔ یوں لڑکیاں بچ گئیں۔ بعد میں موقع پا کر اسی گورے صلیبی نے ریسٹورنٹ کے پارکنگ ایریا میں مسلمان لڑکی پر حملہ کر دیا۔ سر میں چاقو کے وار کئے تو نو بچے زخمی ہو گئی۔ ہسپتال میں چند روز زیر علاج رہنے کے بعد آخرکار اپنے اللہ سے جا ملیں۔ —

جرمنی کے لوگوں پر اس کا بڑا اثر ہوا، وہاں کے اخبارات نے نوبچے کی بہادری کو سراہا، اسے خراج تحسین پیش کیا اور پھر جرمنی کے لوگوں نے ایک لاکھ سے زائد دستخطوں کے ساتھ اپنے صدر سے مطالبہ کیا کہ جرمنی کا سب سے بڑا بہادری کا ایوارڈ نوبچے کو دیا جائے۔ جرمنی کے صدر گاؤک نے اس مطالبے کو تسلیم کر لیا اور یوں اب مسلمان لڑکی نوبچے سرکاری سطح پر جرمنی کی بہادر لڑکی قرار دی گئی ہے۔ میں خراج تحسین پیش کرتی ہوں اپنی اس مسلمان بیٹی کو کہ اس نے اسلام کی بہادرانہ روایت کو ایک بار پھر زندہ کر دیا اور یورپ کے اہم اور طاقتور ملک جرمنی میں اپنی بہادری کا لوہا منوا لیا۔ اللہ تعالیٰ اسے جنت الفردوس عطا فرمائے (آمین)

حق تو یہ ہے کہ اس کے قاتل گورے صلیبی کو قتل کی سزا دی جائے کیونکہ بائبل میں بھی قاتل کی سزا قتل ہے اور ہر زخم کا بدلہ ہے۔ کاش! اگر اہل کتاب اس پر عمل کر لیں تو امن کا پروانہ حاصل کر لیں مگر اہل کتاب کو کیا کہوں یہاں تو اپنے مسلمان ملک بھی قرآن کے قانون سے لاپروا ہیں، قصاص سے نابلد ہیں اور یوں قتل عام ہے۔ اللہ تعالیٰ مسلمان حکمرانوں کو ہدایت دے۔ قرآن کا قانون نافذ کر دیں تو ہر جان محفوظ ہو جائے ہر کلی درندوں کے ہاتھوں میں مسلے جانے سے بچ جائے۔ اگر نوبچے کی بہادری ہمارے بزدل حکمرانوں کو بہادربنا دے اور وہ ہمت کر کے اسلام کا قانون قصاص نافذ کر دیں۔ عملدرآمد کر دیں تو میرا پاکستان بھی میری بہنوں اور بیٹیوں کے امن کا باغ بن جائے۔ —
آمین

مکمل تحریر >>

مسلمان کی صبح و شام

ﷲ تعالیٰ نے انسان کو اشرف المخلوقات بنایا ہے ۔ اب انسان کو چاہیے کہ وہ دیگر مخلوقات سے منفرد صبح و شام کرے ۔ جس طرح ہمارے اسلاف کی صبح و شام ہوا کرتی تھی۔ جیسا کہ حضرت مجاہد رحمۃ اﷲ علیہ فرماتے ہیں کہ مجھے حضرت عبد ﷲ بن عمر رضی ﷲ عنہمانے فرمایا اے مجاہد! جب صبح کرے تو تیرے جی میں شام کا خیال نہ آئے اور شام کرے تو دل میں صبح کا خیال مت لا۔ موت سے پہلے پہلے اپنی زندگی سے فائدہ اٹھالے اور بیماری سے پہلے پہلے اپنی صحت سے فائدہ حاصل کر۔ کیا معلوم ! کل تجھے کس نام سے پکارا جائے گا؟

چار چیزوں کی نیت:کسی دانا کا قول ہے کہ آدمی صبح کرتا ہے تو اسے چار چیزوں کی نیت کرنی چاہیے :ایک اﷲ تعالیٰ کے فرائض ادا کرنے کی ،دوسری جن باتوں سے اﷲ تعالیٰ نے روکا ہے ان سے رکنے کی ،تیسری معاملات والوں کے ساتھ انصاف کرنے کی اور چوتھی یہ کہ جن کے ساتھ جھگڑا ہے ان کے ساتھ مصالحت کرنے کی ۔ جب ان چار نیتوں پر صبح کرے گا تو امید ہے کہ صالحین میں شمار ہونے لگے اور کامیاب ہو جائے ۔

سونے اور اٹھنے کی کیفیت:کسی دانا سے پوچھا گیا کہ آدمی کو اپنے بستر سے کس نیت سے اٹھنا چاہیے؟ فرمایا کہ اس سوال سے پہلے تو یہ دیکھنا چاہیے کہ سونا کس نیت سے چاہیے؟ اٹھنے کا سوال تو پھر ہو گا۔ جو سونے کی حالت اور کیفیت سے واقف نہیں وہ جاگنے کا طریق کیا جانے گا؟ پھر فرمایا کہ بندے کو اس وقت تک سونا مناسب نہیں جب تک چار چیزیں درست نہ کر لے :پہلی تو یہ کہ روئے زمین پر اگر کسی شخص کا اس پر کچھ مطالبہ ہے تو اس معاملہ کو ختم کیے بغیر سونا مناسب نہیں ۔ کیا جانے کہ ملک الموت آجائے اور اسی حال میں اﷲ تعالیٰ کے حضور پیشی ہو کہ کوئی عذر یا دلیل پاس نہ ہو ۔ دوسری یہ کہ سونے سے پہلے دیکھ لے کہ اﷲ تعالیٰ کے فرائض میں سے کوئی فرض میرے ذمہ باقی تو نہیں؟ تیسری یہ کہ سونے سے پہلے اپنے گناہوں سے توبہ کر لے ۔ ممکن ہے اسی رات ملک الموت آجا ئے اور توبہ کئے بغیر ہی موت کی آغوش میں چلا جائے ۔ چوتھی یہ کہ سونے سے پہلے اپنی وصیت صحیح اور جائز طریق سے لکھی ہوئی ہو ۔ مباد ا وصیت کے بغیر ہی مرجائے ۔

صبح کرنے کی حالتیں:کہتے ہیں کہ لوگ تین حالتوں میں صبح کرتے ہیں:
۱) کچھ لوگ طلب مال میں۔
۲) کچھ لوگ گناہ کی طلب میں۔
۳) کچھ لوگ صحیح طریق کی طلب میں۔

طلب مال میں صبح کرنے والے اس مقدار سے زیادہ نہیں کھا سکتے جو مقدار اﷲ تعالیٰ نے ان کیلئے مقدر فرمادی ، گومال کتنا ہی جمع کر لیں ۔ گناہ کی طلب کرنے والا ذلت اور رسوائی کا منہ دیکھتا ہے ۔صحیح طریق کے متلاشی کو اﷲ تعالیٰ رزق بھی عطا فرماتا ہے اور ہدایت بھی۔

بعض حکماء کا قول ہے کہ ہر صبح کرنے والے کو دوباتیں لازم ہیں:امن و خوف ۔ امن تو یہ ہے کہ اﷲ تعالیٰ نے اس کے رزق کی جو کفالت قبول فرمائی ہے اس پر اطمینان ہو اور اﷲ تعالیٰ کے احکام کے معاملہ میں خوف اور ڈر رکھے تاکہ ان کو اچھی طرح سے ادا کر سکے ۔ بندہ جب یہ دو کام کر لیتا ہے تو اﷲ تعالیٰ اسے دو چیزوں سے نوازتا ہے : اپنے دئیے ہوئے پر اسے قناعت عطا فرماتا ہے اور اطاعت خدا وندی میں لذت محسوس ہوتی ہے ۔

اکابر کی صبح:ربیع بن خثیم رحمۃ اﷲ علیہ سے کوئی پوچھتا کہ صبح کس حال میں کی ؟ تو جواب دیتے کہ ہماری صبح تو یہ ہے کہ اپنا ضعف اور گناہ پیش نظر ہیں اﷲ کا رزق کھاتے اور موت کے انتظار میں ہیں۔

حضرت مالک بن دینار رحمۃ اﷲ علیہ سے کسی نے پوچھا کہ صبح کس حال میں کی ؟فرمایا وہ شخص کیسی صبح گزارے گا جو ایک گھر سے دوسرے گھر جانے کی فکر میں ہو اور کچھ پتہ نہ ہو کہ ٹھکانا جنت میں ہے یا دوزخ میں؟

کہتے ہیں کہ حضرت عیسیٰ علیہ السلام سے کسی نے پوچھا کہ اے روح اﷲ ! آپ کی صبح کیسی ہے ؟ ارشاد فرمایا صبح کا یہ حال ہے کہ جس چیز کی امید رکھے ہوئے ہوں اس کا مالک نہیں ۔ جس کا خطرہ ہے اسے دفع کرنے کی طاقت نہیں ۔اپنے اعمال کے حال میں جکڑا ہوا ہوں۔ خیر اور بھلائی سب کی سب میرے اﷲ تعالیٰ کے قبضہ میں ہے اور مجھ سے زیادہ کوئی محتاج نہ ہو گا۔

عامر بن قیس رحمۃ اﷲ علیہ سے کسی نے پوچھا کہ تیری صبح کا کیا حال ہے ؟ فرمایا کہ میں نے اس حال میں صبح کی ہے کہ اپنے اوپر گناہوں کا بوجھ لادے ہوئے ہوں اور اﷲ تعالیٰ کی نعمتوں میں دبا ہوا ہوں۔ کچھ پتہ نہیں کہ میری عبادتیں میرے گناہوں کا کفارہ بنتی ہیں یا انعامات الٰہیہ کے شکرانے میں شمار ہو جاتی ہیں؟

کہتے ہیں کہ محمد بن سیرین رحمۃ اﷲ علیہ نے کسی سے حال پوچھا ۔ اس نے کہا کہ اس شخص کا کیا حال ہو گا جس کے ذمہ پانچ سو درہم کا قرضہ ہے اور وہ عیال دار بھی ہے ؟ یہ سن کر محمد بن سیرین رحمۃ اﷲ علیہ گھر تشریف لے گئے ۔ ہزار درہم لا کر اسے دے کر فرمایا کہ پانچ سو کا قرض ادا کر اور باقی پانچ سو اپنے اہل و عیال پر خرچ کر۔اس کے بعد پھر کسی سے حال نہیں پوچھا کرتے تھے کہ مباد اوہ اپنا ایسا حال بتائے کہ جس کی اصلاح ان کے ذمہ واجب ہو جائے ۔

چار چیزوں کا شکر :حضرت ابراہیم بن ادہم رحمۃ اﷲ علیہ فرماتے ہیں کہ ہر صبح کرنے والے پر چار چیزوں کا شکر ادا کرنا واجب ہے ۔ پہلا تو بطور شکریہ کہے :’’سب تعریفیں اس ذات کیلئے ہیں جس نے میرے دل کو نور ہدایت سے منور فرمایا اور مجھے اہل ایمان میں رکھا اور گمراہ نہیں کیا ۔‘‘

دوسرا شکریوں کرے :’’تمام تعریفیں اس ذات کیلئے ہیں جس نے مجھے حضرت محمد مصطفےٰ ﷺ کا امتی بنایا ۔‘‘

تیسرا شکر یہ کرے:’’اس ذات کے لئے سب تعریفیں ہیں جس نے میرا رزق کسی اور کے قبضہ میں نہیں دیا ۔‘‘

اور چوتھا شکریوں کرے:’’سب تعریفیں اس اﷲ کی ہیں جس نے میرے عیبوں کی پردہ پوشی فرمائی۔‘‘
چار چیزوں کو جاننا ضروری ہے :حضرت شقیق بن ابراہیم رحمۃ اﷲ علیہ فرماتے ہیں کہ کوئی شخص اگر دو سو برس تک زندہ رہے اور ان چار چیزوں کو نہ جان سکے تو کوئی چیز بھی اس سے زیادہ دوزخ کو سزاوار نہیں:ایک اﷲ تعالیٰ کی معرفت، دوسرے اﷲ تعالیٰ کے عمل کی معرفت، تیسرے اپنے نفس کی معرفت، چوتھے اپنے اور اپنے اﷲ تعالیٰ کے دشمن کی معرفت۔ اﷲ کی معرفت تو یہ ہے کہ ظاہر و پوشیدہ میں اسی کا فیضان سمجھے کہ کوئی اس کے سوا نہ عطا کرنے والا ہے اور نہ روکنے والا ۔ اﷲ کے عمل کی معرفت یہ ہے کہ یہ یقین حاصل ہو کہ اﷲ تعالیٰ وہی عمل قبول فرماتا ہے جو خالص اس کی رضا کیلئے ہو ۔ اپنے نفس کی معرفت یہ ہے کہ اپنا ضعف پہچانے اور یہ کہ اﷲ تعالیٰ نے جو فیصلہ فرما دیا ہے یہ اسے ذرا بھی رد نہیں کر سکتا ۔ الغرض قسمت خدا وندی پر راضی رہے ۔ اﷲ کے اور اپنے دشمنوں کی معرفت یہ ہے کہ اسے شر اور برائی کی اصل جڑ سمجھے اور اس کا علاج معرفت خدا وندی کے ذریعہ سے کرے حتیٰ کہ اس کی قوت کمزور پڑ جائے۔

دس لازم چیزیں:کہتے ہیں کہ ہر روز ابن آدم پر اﷲ تعالیٰ کی طرف سے دس چیزیں لازم ہوتی ہیں : اول یہ کہ اٹھتے وقت اﷲ تعالیٰ کا ذکر کرے ۔ ’’یعنی اٹھتے وقت اپنے رب کی تسبیح اور حمد کیجئے۔‘‘اﷲ تعالیٰ فرماتا ہے’’اے ایمان والو! تم اﷲ تعالیٰ کو خوب کثرت سے یاد کرو اور صبح اور شام اس کی تسبیح کرتے رہو۔‘‘

دوسری چیز پردہ کے بدن کو چھپانا ۔ اﷲ تعالیٰ کا ارشاد ہے :’’اے اولاد آدم ! مسجد کی ہر حاضری کے وقت اپنا لباس پہن لیا کرو۔‘‘

اور زینت کا ادنیٰ درجہ ستر عورت ہے ۔تیسری چیز اپنے وقت پر اچھی طرح وضو کرنا ہے ۔ اﷲ تعالیٰ فرماتا ہے :’’‘‘اے ایمان والو! جب تم اٹھو نماز کو تو دھولو اپنے منہ او رہاتھ کہنیوں تک اور مل لو اپنے سر کو اور پاؤں ٹخنوں تک ۔‘‘

چوتھی بات اپنے وقت پر نماز اچھی طرح سے ادا کرنا ہے ۔ قرآن مجید میں ہے :’’یقینا نماز مسلمانوں پر فرض ہے اور وقت کے ساتھ محدود ہے ۔‘‘

یعنی خاص خاص اوقات میں مقرر کردہ فریضہ ہے ۔پانچویں یہ کہ رزق کے وعدہ میں اﷲ تعالیٰ پر بھروسہ رکھے ۔اﷲ تعالیٰ کا ارشاد ہے :’’اور کوئی جاندار روئے زمین پر چلنے والا ایسا نہیں کہ اس کی روزی اﷲ تعالیٰ کے ذمہ نہ ہو۔‘‘

چھٹی چیز یہ کہ اﷲ تعالیٰ کی عطا پر قناعت کرے اور اس پر راضی رہے ۔ ارشاد باری تعالیٰ ہے :’’دینوی زندگی میں انکی روزی ہم نے تقسیم کر رکھی ہے ۔‘‘ساتویں یہ کہ اﷲ تعالیٰ پر توکل کرے ۔ اﷲ تعالیٰ فرماتا ہے :’’اور اس زندہ پر توکل رکھیے جو کبھی نہیں مرے گا۔‘‘اور دوسرے مقام پر ’’اور اﷲ تعالیٰ پر نظر رکھو اگر تم ایمان رکھتے ہو۔‘‘

آٹھویں اﷲ تعالیٰ کے فیصلہ اور حکم پر صبر کرنا ۔قرآن کریم میں فرمایا :’’اور اپنے رب کی تجویز پر صبر کریں۔‘‘اور دوسرے مقام پر فرمایا :’’اے ایمان والو! خودصبر کرو اور مقابلہ میں صبر کرو‘‘نویں یہ کہ اﷲ تعالیٰ کی نعمتوں پر شکر کیا کرو ۔ حکم خدا وندی ہے :’’‘‘اور اﷲ تعالیٰ کی نعمت کا شکر کرواگر تم اسی کی عبادت کرتے ہو۔اور اولین نعمت صحت جسمانی ہے اور سب سے بڑی نعمت دین اسلام کی نعمت ہے گو نعمتیں بے حدو بے شمار ہیں ، جیسا کہ ارشاد ہے :’’اور اگر تم اﷲ کی نعمتوں کو گننے لگو تو نہ گن سکو۔‘‘اور دسویں چیز اکل حلال ہے ۔ اﷲ تعالیٰ کا ارشاد ہے :’’ہم نے جو نفیس چیزیں تم کو دی ہیں ان کو کھاؤ۔‘‘اس سے مراد رزق حلال ہے ۔

ﷲ تعالیٰ کے حضور دعا ہے کہ
وہ ہمیں اپنی صبح و شام اپنے احکامات کے مطابق کرنے کی توفیق عطا فرمائے ۔ آمین

مکمل تحریر >>

قرآن مجیداورسائنس

سائنس میں بنیادی اہمیت کے علوم دوہیں جن پرٹکنالوجی یا(قرآن کی اصطلاح میں)تسخیرکامدارہے اوروہ ہیں علم کیمیااورطبیعات ۔ جدید سائنس کے ان بنیادی پہلوؤں کی طرف قرآن مجیدمیں بارہا توجہ مبذول کرائی گئی ہے ۔بلکہ یہ کہاجاسکتاہے کہ سائنسی ایجادات واختراعات کاداعی اول ،اسلام ہے۔اوریہی قرآن مجیدہے جس نے اکتشافات وایجادات کی راہیں کھولی ہیں۔چنانچہ اس نے ان لوگوں کی تعریف کی جوزمین وآسمان کی تخلیق ،رات اوردن کے تغیرات ،سمندرکے منافع،ہوااوربادلوں کی تسخیراورخدائے تعالیٰ کے بنائے ہوئے نظام پرغورکرکے اپنے رب کو پہچانتے ہیں۔فرمان خداوندی ہے ۔مفہوم ’’بیشک زمین وآسمان کے پیداکرنے ،رات اوردن کے بدلنے ،سمندرمیں کشتیوں کے چلنے ان چیزوں کی وجہ سے جولوگوں کوفائدہ پہونچاتی ہیں اورجوپانی اللہ نے آسمان سے اتاراجس کی وجہ سے زمین کوزندگی ملتی ہے ،اس زمین کے مردہ ہوجانے کے بعد،ہواؤں کے چلنے اوربادلوں کے آسمان وزمین کے درمیان مسخرہونے میں بہت ساری نشانیاں ہیں ،ان لوگوں کیلئے جوعقل والے ہیں‘‘۔(پ۲،سورہ بقرہ آیت نمبر۱۶۴)یہ آیت حیوانات ،جمادات ،فلکیات ،موسمیات اوران کے نظاموں سے متعلق نئی نئی معلومات حاصل کرنے کی ہدایت دیتی ہے ،اکتشافات وایجادات کی راہیں کھولتی ہے اوراس طرح کے کام کرنے والو ں کو’’عقلمند‘‘کی سند عطاکرتی ہے ۔ان ہی نئی نئی معلومات ،ایجادات واکتشافات کانام تو سائنس ہے گویاسائنسی ایجادات واختراعات کاداعی اول ،قرآن ہے ۔

قرآن مجید نے ہمیں دوسرے مقامات پربھی مظاہرکائنات اوراس کی مشنری پرغورکرکے مختلف علوم ومسائل میں ڈوب کرطرح طرح کی صنعتو ں کووجود میں لانے کی طرف توجہ دلائی ہے ۔

مفہوم’’اللہ ہی کی وہ ذات ہے جس نے سمندر کومسخرکیاتاکہ تم اس سے تازہ گوشت کھاؤاورتم اس سے نکالتے رہوزیورجس کوتم پہنتے ہواورتم دیکھتے ہو کشتیوں کوتاکہ تم اللہ کے فضل کو تلاش کرواورشکراداکرو۔(پ۱۴سورہ نحل آیت نمبر۱۴)

اس آیت کریمہ میں سمندرکوتابعدار بتایاگیاہے اورظاہرہے کہ اس مقصد کاحصول بغیرکشتی ،جہاز اورسمندری بیڑابنائے حاصل نہیں ہوسکتا،پھرآگے تازہ گوشت حاصل کرنے اورسمندرسے موتی نکالنے کی ہدایت دی ہے جس کے لئے مختلف قسم کے اوزاربھی بنائے جانے ضروری ہیں ۔اس طرح آیت مذکورہ میں کئی صنعتوں کے حصول کی تعلیم پوشیدہ ہے جس کے لئے بہت سی فنی تجربات کی ضرورت پڑتی ہے اوران ہی فنی معلومات واکتشافات وایجادات کانام سائنس ہے ۔

اسی طرح قرآن مجید نے انسان کو یہ حکم دیاہے کہ وہ علم اسماء کے رموز ودقائق اوردست تسخیرکی قوت سے مخفی نعمتوں کومنظر عام پرلائے ۔اسی کی طرف اشارہ ہے اس فرمان میں’’
’’اللہ نے زمین وآسمان کوپیداکیااورآسمان سے تمہارے فائدے کے لئے پانی اتاراپھراس کے ذریعہ تمہارے کھانے کے لئے رزق نکالا(پ۱۲سورہ ابراہیم آیت نمبر۳۲) نیز فرمایا’’کیاتم نہیں دیکھتے کہ اللہ نے تمہارے لئے زمین وآسمان کی تمام چیزوں کو مسخرکردیااورپھیلادیاتم پراپنی نعمتوں کوجوظاہر بھی ہیں اورمخفی بھی ‘‘۔(پ۲۱رکوع نمبر۱۱آیت نمبر۲۰)

ان آیات میں جن نعمتوں کی طرف انسانی ذہن کو متوجہ کیاگیاہے وہ ہماری نگاہوں کے سامنے آج بھی بجلی اوربھاپ سے چلنے والی ہزاروں قسم کی مشینوں ، تمدنی ضروریات ،اسی طرح زراعت میں استعمال ہونے والی جدید مشینوں،طب جدید میں طرح طرح کے آلات کی شکل میں ظاہر ہورہی ہیں اورظاہر ہوتی رہیں گی ،قرآن کریم کادعویٰ ہے ’’وہ پیداکرتارہے گاان چیزوں کوجن کوتم نہیں جانتے ‘‘(نحل پارہ ۱۴)۔اس آیت کوسامنے رکھتے ہوئے کہاجاسکتاہے کہ دنیاکی جس چیزکی بھی ایجادہو،نہایت ہی بلیغ اس آیت کریمہ میں ان تمام چیزوں کی طرف اشارہ ہے۔

اسی طرح اس آیت’’اوران کی نشانیوں میں سے یہ ہے کہ انسان کوبھری ہوئی کشتی میں سوارکیااورہم نے پیداکیااس جیسی اورچیزیں جس پروہ سوارہوتے ہیں‘‘۔(سورہ یسٓ پارہ۲۳) میں قیامت تک ظاہرہونے والی نئی نئی سواریاں ،ٹرین ،ہوائی جہاز،نقل وحمل کے دیگر ذرائع،وغیرہ سب شامل ہیں۔اس طرح قرآن کریم میں سائنسی علوم کی طرف متوجہ کرنے کی باربار کوشش کی گئی ہے ۔اوراس کی ترغیب دی گئی ہے ۔اسی طرح رحم مادرمیں بچے کی تخلیق اوراس کی نشو ونماسے متعلق کئی جگہوں پرجواہم انکشافات ’’الٹراساؤنڈ وغیرہ مشینوں کے سامنے آنے سے پہلے‘‘ کئے گئے ہیں،ان کے سامنے عقل انسانی حیران رہ جاتی ہے ۔ساتھ ہی اس نے ایسے انکشافات بھی کئے جن کاحتمی علم کسی کونہ ہوسکتاتھا۔مثلا آسمان کی حقیقت بیان کرتے ہوئے کہا۔مفہوم’’پھراللہ تعالی ٰآسمان کی طرف متوجہ ہوااس حال میں کہ آسمان دھواں تھا‘‘۔(پ۲۴سورہ حمٓ السجدہ آیت نمبر۱۱)معلوم ہواکہ سائنس اسلام کی ہی دین ہے ،ورنہ قرآن کے نزول سے پہلے سائنس نے ترقی نہیں کی اوراسے کوئی خاطرخواہ کامیابی نہیں مل سکی تھی جیسے ہی اسلام آیا،دنیا کوایک عظیم نعمت ،قطعی علم کے ذریعہ ملی جس سے ایجادات کی بھرمارلگ گئی۔

قرآن مجید سائنس کے تابع نہیں
یہ حقیقت بھی ساتھ ساتھ سامنے رہنی چاہئے کہ اسلام اورقرآن ،سائنس کے تابع نہیں ہیں بلکہ سائنسی تعلیمات، قرآنی نظریات کے تابع ہیں۔اگرکوئی سائنسی نظریہ، اسلامی نظریہ سے ٹکراتاہوانظرآئے تو قرآن کے فرمان کواس کے تابع نہیں کیاجاسکتا۔سائنس کے کئی نظریات بدلتے رہے ہیں،جب کہ قرآن کے نظریات،آج بھی وہی ہیں جس میں قیامت تک تغیروتبدل کاکوئی امکان نہیں۔پھریہ بات بھی یاد رہنی چاہئے کہ قرآن مجید ،سائنس کی کتاب نہیں ،طب کی کتاب نہیں،فلسفہ ،جغرافیہ کی کتاب نہیں ،بلکہ وہ صرف اورصرف ’’کتاب ہدایت ‘‘ہے جس کے نزول کامقصد سائنسی اکتشافات اورتاریخی معلوما ت کی فراہمی نہیں،صرف اور صرف بندوں کو اس کے معبود حقیقی اورخالق حقیقی سے جوڑنااورانسانیت کے ذہن میں تصورآخرت اوراحساس جوابدہی کوپیداکرناہے۔مفہوم ’’یہ ایسی کتاب ہے جس کی آیتیں کھول کھول کربیان کی گئی ہیں جاننے والوں کے لئے ۔خوش خبری دینے والی ہے اورڈرانے والی ہے ‘‘۔(حمٓ السجدہ پ۲۴)پھراہل ایمان کے لئے یہ بھی ضروری ہے کہ ’’بن دیکھے ایمان لائے ‘‘۔مفہوم ’’یہ ایک ایسی کتاب ہے جس میں کوئی شک نہیں،ہدایت ہے ان متقین کے لئے جوایمان لاتے ہیں غیب پر‘‘ ۔(بقرہ پ۱آیت۲)یہ دونوں اوراسی مفہوم کی مزیدآیتیں ،اسی حقیقت کوبیان کرتی ہیں کہ’’ ایمان ‘‘ ،مشاہدات،تجربات اورریسرچ کے بغیر،خدائی فرمان کو’’مان لینے ‘‘کانام ہے اورقرآن اوراسلام کامقصد ، صراط مستقیم کی طرف صحیح راہنمائی ہے ۔ یہی وجہ ہے کہ جہاں پرقرآن مجید میں کوئی تاریخی واقعہ بیان کیاگیاہے وہاں یاتوبہت اختصار سے کام لیاگیاہے یاپھرغیرمرتب انداز میں،اسی طرح کہیں واقعہ کے کسی ایک دوجزئیہ کو بیان کیاگیاہے ۔اس کی وجہ یہی ہے کہ یہ بتانا مقصود ہے کہ قرآن ،تاریخ کی کتاب نہیں ہے کہ اس میں موجودتاریخی واقعات کواپنی تاریخی معلومات پر،پرکھاجائے اسی طرح قرآن سائنس کی کتاب نہیں ہے کہ ہرسائنسی تحقیق کوقرآن مجید میں تلاش کیاجائے اورسائنسی کسوٹی پراس کوپرکھاجائے ۔یہ توقرآن کااعجازہے کہ ایک امی ﷺکی زبان پرجاری ہونے والایہ کلام تمام علوم کاجامع ہے جوپیغمبراسلام اورقرآن کامعجزہ ہے۔ پھرسائنسی مضامین وغیرہ صرف ’’اثبات حق اورابطال باطل ‘‘کے دلائل کے طورپربیان کئے گئے ہیں۔ان ہی بنیادی باتوں سے ناواقفیت ،یاعدم توجہ کی بنیاد پریہ وبا،عام ہوگئی ہے کہ جوبھی نئی تحقیق سامنے آئے ،اسے قرآن اوراسلامی تعلیمات میں تلاش کیاجاتاہے ۔یازبردستی اسلامی مزاج اورروح کے خلاف ثابت کرنے کی کوشش کی جاتی ہے ۔ اوراگریہ نہ ہوسکے تواس وقت اسلامی تعلیمات کوسائنس اورجدید تحقیقات کے تابع کیاجاتاہے ۔ اس سمت میں خصوصی توجہ دینے کی ضرورت ہے ۔

مکمل تحریر >>

جنت اور اس کی نعمتیں

 اللہ تعالیٰ نے نیک اور مومن انسانوں کیلئے جنت جیسی عظیم نعمت بنائی ہے مگر یہ نعمت خاتمہ بالایمان ہو اور اعمال صالحہ کیے ہوں تو نصیب ہو تی ہے۔ جنت ہے مثال مقام ہے اور اس کی نعمتیں بھی انسانی ذہن سے وراء ہیں ۔اس مضمون میں ہم نے جنت اور اس کی نعمتوں کا ذکر کیا ہے تاکہ مومنین میں جذبۂ اعمال صالحہ پروان چڑھے ۔ یہ مضمون تنبیۃ الغافلین سے ماخذ ہے جس کے مصنت فقیہ ابو اللیث سمرقندی رحمۃ اﷲ علیہ ہیں۔

جنت کس طرح بنائی گئی: حضرت ابو ہریرہ رضی اﷲ عنہ فرماتے ہیں کہ ہم نے عرض کیا یا رسول اﷲ ﷺ! جنت کس سے بنائی گئی ؟ ارشاد فرمایا پانی سے ۔ہم نے عرض کیا ذرا اس کی تعمیر کی تفصیل سے ہمیں مطلع فرمائیے۔ ارشاد فرمایا کہ اس کی ایک اینٹ سونے کی اور ایک چاندی کی ہے اور گارا کستوری کا ، اس کی مٹی زعفران اور اس کے سنگر یزے یا قوت اور موتی کے ہیں ۔جو اس میں داخل ہو گا ہمیشہ کے لئے نعمتوں میں ہو گا۔ کبھی تنگی نہ دیکھے گا اور نہ اسے موت آئے گی ۔نہ کپڑے بوسیدہ ہوں گے اور نہ جوانی کبھی ڈھلے گی ۔

تین آدمیوں کی دعا رد نہیں ہوتی: پھر حضور اکرم ﷺ نے ارشیاد فرمایا کہ تین قسم کے آدمی ہیں جن کی دعا کبھی رد نہیں ہوتی :عادل حکمران ،روز ہ دار جب کہ افطار کرنے لگے اور مظلوم کی دعا کو سب پر دوں سے اوپر اٹھا لیا جاتا ہے اور رب ذوالجلال فرماتا ہے مجھے اپنے جلال اور عزت کی قسم کہ میں تیری ضرور مدد کروں گا گو کچھ عرصہ بعد ہی سہی ۔

جنت کی نعمتیں: حضرت ابو ہریرہ رضی اﷲ عنہ سے روایت ہے کہ حضور اکرم ﷺ نے ارشاد فرمایا کہ جنت میں ایک ممدود کی آیت سے یہ مضمون سمجھ لو کہ وہاں کا سایہ بڑا لمبا ہو گا اور جنت میں ایسی نعمتیں ہوں گی جنہیں نہ کسی آنکھ نے دیکھا اور نہ کسی کان نے سنا اور نہ کسی انسان کی خیالی پرواز وہاں تک پہنچ سکی حضرت ابن عباس رضی اﷲ عنہ فرماتے ہیں کہ جنت میں ایک حور ہے جس کا نام لائنہ ہے جو مشک عنبر ،کافور اور زعفران کے عناصر اربعہ سے بنی ہے ۔ اس کا خمیر نہر حیوان کے پانی سے تیار کیا گیا ۔ رب عزیز نے اسے کن فرمایا۔ وہ وجود میں آئی ۔تمام حوریں اس کی مشتاق ہیں ۔ایک بار سمندر میں تھوک دے تو اس کا کڑوا پانی میٹھا ہو جائے۔ اس کے سینے پر لکھا ہوا ہے کہ جو شخص یہ چاہتا ہے کہ میرے جیسی حور اسے مل جائے تو اسے میرے رب کی اطاعت میں لگنا چاہیے ۔

جنت کی زمین: حضرت مجاہد رحمۃ اﷲ علیہ فرماتے ہیں کہ جنت کی زمین چاندی کی اور مٹی کستوری کی ہے ۔اس کے درختوں کے تنے چاندی کے ہیں اور شاخیں زبر جد اور موتیوں کی اور پتے اور پھل اس سے نیچے ہوں گے ۔ جو کوئی کھڑا ہو کر کھانا چاہے تو دقت نہیں ،جو بیٹھ کر کھانا چاہے تو اسے کوئی تکلیف نہیں اور جو لیٹ کر کھانا چاہے تو اسے بھی کچھ تکلف نہ ہو گا۔ پھر آپ نے تلاوت فرمائی :’’یعنی اس کے پھل قریب ہوں گے حتیٰ کہ کھڑا اور بیٹھنے والا با ٓسانی لے سکے گا۔‘‘

حضرت ابو ہریرہ رضی اﷲ عنہ فرماتے ہیں کہ اس ذات کی قسم ! جس نے حضرت محمد ﷺ پر کتاب نازل فرمائی ہے کہ اہل جنت حسن و جمال میں یوں بڑھتے رہیں گے جیسا کہ وہ دنیا میں بڑھاپے کی طرف بڑھتے رہتے ہیں ۔ حضرت صہیب رضی اﷲ عنہ راوی ہیں کہ حضور اکرم ﷺ نے ارشاد فرمایا کہ :’’جنتی جنت میں اور دوزخی دوزخ میں داخل ہو چکیں گے تو ایک پکارنے والا ندا دے گا کہ اے جنت والو! اﷲ تعالیٰ کے ہاں تمہارے ساتھ کیا ہواوعدہ باقی ہے جسے وہ پورا کرنا چاہتا ہے ۔ یہ کہیں گے وہ کیا وعدہ ہے ،کیا اس نے ہمارے میزانِ عمل کو بھاری نہیں فرمایا اور چہروں کو سفید نہیں کیا اور جنت میں داخل نہیں کیا اور ہمیں دوزخ سے نجات نہیں بخشی؟ فرمایا پھر پردہ اٹھا دیا جائے گا اور وہ جمال ذات دیدار سے بہرہ ور ہوں گے ۔اس ذات کی قسم جس کے قبضہ میں میری جان ہے کہ اہل جنت کو حاصل ہونے والی نعمتوں میں سے کوئی نعمت بھی دیدار خدا وندی سے زیادہ محبوب نہ ہو گی ۔‘‘

یوم المزید: حضرت انس بن مالک رضی اﷲ عنہ روایت فرماتے ہیں کہ حضرت جبرائیل علیہ السلام ایک دفعہ حضور اکرم ﷺ کی خدمت عالیہ میں ایک صاف و شفاف آئینہ لائے جس میں ایک سیاہ نکتہ تھا ۔آپ نے سوال کیا جبرائیل ! یہ سفید شیشہ کیا ہے ؟ عرض کیا یہ جمعہ ہے اور یہ سیاہ نکتہ ساعت ہے جو جمعہ میں آتی ہے اور یہ فضیلت صرف آپ کو اور آپ کی امت کو ہی نصیب ہوئی ہے ۔دوسر ے لوگ یعنی یہود و نصاریٰ و غیرہ وہ سب اس میں آپ کے پیچھے ہیں ۔اس دن میں ایک ساعت اور گھڑی ایسی ہے کہ جس خوش نصیب مومن کو وہ مل جائے تو جس بھلائی کی بھی اﷲ تعالیٰ سے درخواست کرے وہ قبول ہوتی ہے اور جس برائی سے بھی پناہ مانگے اسے عطا ہوتی ہے اور یہ دن ہمارے ہاں یوم المزید کہلاتا ہے ۔حضور اکرم ﷺ نے ارشاد فرمایا کہ یوم المزید کیا ہے ؟عرض کیا کہ اﷲ تعالیٰ نے جنت الفردوس میں ایک وادی بنائی ہے جس میں مشک کا ایک ٹیلہ ہے ۔جب جمعہ کا دن ہو گا تو اس کے پاس منبر بچھائے جائیں گے جن پر انبیاء علیہم السلام تشریف فرما ہوں گے ۔کچھ منبر سونے کے ہوں گے جن پر یاقوت و زبرجد کا جڑاؤ ہو گا ۔ان پر صدیقین، شہداء ،صالحین بیٹھیں گے اور بالا خانوں والے بھی اتر آئیں گے اور ان حضرات کے پیچھے اس ٹیلہ پر بیٹھ جائیں گے اور سب اپنے رب کی طرف متوجہ ہوں گے ۔اس کی حمد و ثناء کہیں گے ۔اﷲ تعالیٰ ارشاد فرمائیں گے مجھ سے کچھ مانگو ۔وہ عرض کریں گے ہم آپ کی رضا چاہتے ہیں ۔اﷲ تعالیٰ ارشاد فرمائیں گے کہ میں تم سے راضی ہوں کہ اسی رضا نے تمہیں میرے گھر میں ٹھکانا دیا اور میرا اکرام تمہیں نصیب فرمایا ،پھر ایک تجلی ہو گی اور ان سب حضرات کو جمال جہاں آرا کا دیدار نصیب ہو گا ۔اس لحاظ سے اہل جنت کو جمعہ سے بڑھ کر کوئی دن بھی محبوب نہ ہو گا کہ جس میں انہیں مزید در مزید اعزاز و اکرام نصیب ہو گا۔

اللّٰہ تعالیٰ کی رضا اور دیدار: ایک روایت میں ہے کہ اﷲ تعالیٰ اپنے فرشتوں سے فرمائیں گے میرے اولیاء کو کچھ کھلاؤ ۔چنانچہ کئی طرح کے کھانے لائے جائیں گے اور وہ ہر لقمہ میں پہلے سے الگ لذت پائیں گے ۔کھانے سے فراغت پر اﷲ تعالیٰ ارشاد فرمائیں گے کہ میرے بندوں کو کچھ پلاؤ تو کئی طرح کے مشروبات لائے جائیں گے اور ہر سانس پر پہلے سے جدا ذائقہ اور لذت پائیں گے ۔اس سے فارغ ہو ں گے تو اﷲ تعالیٰ فرمائیں گے میں تمہارا رب ہوں ، میں نے اپنا وعدہ جو تمہارے ساتھ کیا تھا سچا کر دیا ہے ۔ سو اب مجھ سے کچھ مانگو میں عطا کروں گا۔اہل جنت عرض کریں گے ۔ اے اﷲ ! ہم آپ کی رضا مندی چاہتے ہیں اور اس سوال و جواب کا دو دفعہ تکرار ہو گا تواﷲ تعالیٰ ارشاد فرمائیں گے کہ میں یقینا تم سے راضی ہو گیا اور میرے ہاں اس سے بھی مزید ہے ۔آج میں تمہیں وہ اکرام بخشوں گا جو سب انعامات سے بڑھ کر ہو گا ۔ چنانچہ پردہ ہٹا دیا جائے گا اور جس قدر اﷲ تعالیٰ کو منظور ہو گا خوب خوب نعمت دیدار حاصل کریں گے پھر اس کی بارگاہ جمال میں سجدہ ریز ہوں گے اور جب تک خدا کو منظور ہو گا سجدہ میں رہیں گے ۔پھر ارشاد پاک ہو گا اپنے سر اوپر اٹھا لو ! یہ عبادت کا موقع نہیں ہے ۔پس وہ جنت کے تمام انعامات کو بھول جائیں گے ۔پس دیدار کی ایک جھلک انہیں ان تمام نعمتوں سے زیادہ محبوب لگے گی ۔ واپس لوٹیں گے تو عرش کے نیچے سے ایک ہوا مشک کے سفید ٹیلہ پر چلے گی اور ان کے سروں پر اور ان کے گھوڑوں کی پیشانیوں پر اسکی بکھیر ڈال دے گی ۔ اپنے اہل خانہ میں واپس آئیں گے تو ان کی بیویاں انکے حسن و جمال کا پہلے کی نسبت اضافہ دیکھ کر کہیں گی کہ تم تو پہلے سے کہیں زیادہ حسین بن کر آئے ہو۔

فقیہ رحمۃ اﷲ علیہ فرماتے ہیں کہ پردہ ہٹانے کا مطلب یہ ہے کہ دیکھنے والوں پر جو پردہ تھا کہ وہ اس کی وجہ سے دیکھ نہ سکتے تھے وہ رکاوٹ دور کر دی جائے گی اور بعض نے اس کی طرف دیکھنے کا یہ مطلب کیا ہے کہ جنتی باری تعالیٰ کے اس اکرام کو دیکھیں گے جو اس سے پہلے نہ دیکھا ہو گا اور اکثر اہل علم ظاہری معنی ہی مراد لیتے ہیں کہ وہ باری تعالیٰ کو بلا کیفیت و بلا تشبیہ دیکھیں گے جیسے کہ آج دنیا میں اسے بلا تشبیہ پہچانتے ہیں۔

اہل جنت کا قد و قامت: حضرت عکرمہ رحمۃ اﷲ علیہ فرماتے ہیں کہ اہل جنت مردیا عورت 33برس کے نوجوانوں کی طرح ہوں گے ۔اپنے جد اعلیٰ حضرت آدم علیہ السلام کے موافق ساٹھ ہاتھ ہوں گے ۔جوان ہوں گے ،بدن پر بال نہ ہوں گے اور نہ داڑھی ہو گی۔ آنکھیں سرمگیں ہو ں گی۔ ان پر ستر جوڑے ہوں گے ۔ ہر جوڑا ہر آن ستر رنگ بدلے گا۔ اپنا چہرہ بیوی کے آئینہ جیسے شفاف چہرے میں دیکھ لے گا۔ ایسے ہی اس کے سینے اور پنڈلیوں کا حال ہو گا اور ان کی بیویاں خودان کے شفاف چہروں ، سینوں اور پنڈلیوں میں اپنے چہرے دیکھ سکیں گی۔ انہیں تھوک بلغم وغیرہ نہ آئے گی۔ اہل جنت ہر قسم کی کراہت اور نجاست کی چیزوں سے پاک صاف ہوں گے ۔ ایک روایت میں ہے کہ جنتی عورت اگر اپنی ہتھیلی آسمان سے نیچے کی طرف کر دے تو زمین و آسمان کا درمیان سب منور ہو جائے ۔

جنتیوں کا کھانا اور اس کا ہضم ہونا: حضرت زید بن ارقم رضی اﷲ عنہ فرماتے ہیں کہ اہل کتاب کا ایک آدمی حضور اکرم ﷺ کی خدمت عالیہ میں حاضر ہوا ۔ کہنے لگا اے ابو القاسم! کیا آپ فرماتے ہیں کہ اہل جنت کھاتے پیتے ہیں ؟فرمایا ہاں! اس ذات کی قسم جس کے قبضہ میں میری جان ہے ! وہاں کے ایک آدمی کو سو آدمیوں کے کھانے پینے اور جماع کی قوت ملے گی۔ وہ کہنے لگا کہ جو کھائے پیئے گا، اس کو فراغت کی حاجت بھی ہو گی اور جنت تو پاکیزہ جگہ ہے جہاں نجاست کا نام نہیں ۔ارشاد فرمایا کہ ان کو کستوری جیسا خوشبودار پسینہ آئے گا اور یہی ان کی حاجت سے فراغت ہو گی۔

شجر طوبیٰ: حضرت معتب بن سمی (طوبیٰ لھم و حسن ماب)کے متعلق فرماتے ہیں کہ طوبیٰ جنت میں ایک درخت ہے ۔جنت میں جو بھی مکان اور رہائش گاہ ہے وہیں پر اس کا سایہ ہے ۔ اس کی ایک ایک شاخ ایسی ہو گی کہ اس میں قسم قسم کے پھل لگے ہوں گے ۔ ان پر بہت بڑے بڑے پرندے بیٹھتے ہوں گے ۔ جب کوئی شخص کسی پرندہ کی خواہش کرے گا، اسے بلائے گا۔ وہ اس کے دستر خوان پر آموجود ہو گا۔ وہ حسب خواہش اس کا کچھ حصہ کھائے گا اور یہ پھر پرندہ بن کر اُڑ جائے گا۔

جنتیوں کا حلیہ: حضرت ابو ہریرہ رضی اﷲ عنہ راوی ہیں کہ رسول اﷲ ﷺ نے ارشاد فرمایا کہ میری امت کا پہلا گروہ جو جنت میں داخل ہو گا، وہ چودھویں رات کے چاند جیسے ہوں گے ۔ ان کے بعد ایسے ایسے ہوں گے جیسے کوئی ستارہ آسمان کے تمام ستاروں سے زیادہ چمکدار ہو۔ پھر ان کے بعد درجہ بدرجہ ہوں گے ۔ انہیں پیشاب یا پاخانہ کی حاجت نہ ہو گی اور نہ تھوک اور بلغم وغیرہ آئے گا۔ ان کیلئے سونے کی کنگھیاں اور عود کی انگیٹھیاں ہوں گی ۔ پسینہ کستوری جیسا ہو گا۔ سب کے اخلاق شخص واحد کی طرح ایک ہی جیسے ہوں گے اور اپنے ابا حضرت آدم علیہ السلام کے قد کے موافق ساٹھ ہاتھ لمبے ہوں گے ۔ حضرت ابن عباس رضی اﷲ عنہما حضور اکرم ﷺ سے نقل کرتے ہیں کہ اہل جنت نوجوانی کے عالم میں ہوں گے ۔ چہروں پر داڑھیاں نہ ہوں گی بلکہ سر کے علاوہ اور آنکھوں کے ابرو اور پلکوں کے سوا باقی بدن پر بغل اور زیر ناف وغیرہ کہیں بال نہ ہوں گے ۔ حضرت آدم علیہ السلام کی لمبائی کے موافق ساٹھ ہاتھ قدہوں گے ۔ حضرت عیسیٰ علیہ السلام کی لمبائی کے موافقت تینتیس برس کی عمر ، گوراچٹارنگ اور سبز لباس ہو گا۔

جنتیوں کی خوراک اور پوشاک: ایک جنتی اپنے آگے دستر خوان رکھے گا جس پر ایک پرندہ آکر کہے گا اے اﷲ کے ولی ! میں نے سلسبیل کے چشمہ سے سیرابی حاصل کی ہے ۔عرش کے نیچے جنت کے باغات میں چرتا اور فلاں فلاں پھل کھاتا رہا ہوں ۔اس کی ایک جانب کا ذائقہ پکے ہوئے گوشت کا ہو گا ۔ چنانچہ جس قدر مرغوب ہو گا وہ اس سے کھائے گا او ر اس جنتی ولی کے ستر حلے زیب تن ہوں گے ۔ ہر حلہ الگ رنگ کا ہو گا ۔ان کی انگلیوں میں دس دس انگوٹھیاں ہوں گی۔ پہلی انگوٹھی پر سَلَامٌ عَلَیْکُمْ بِمَا صَبَرْتُمْ ۔’’تم صحیح سلامت رہو گے اس کی بدولت کہ تم مضبوط رہے۔‘‘کندہ ہو گا۔دوسری پر ’’تم اس میں سلامتی اور امن کے ساتھ داخل ہو۔‘‘ لکھا ہو گا تیسری پر ’’اور یہ جنت ہے جس کے تم مالک بنا دیئے گئے ہوا پنے اعمال کے عوض میں ۔ ‘‘لکھا ہو گا۔ چوتھی پر ’’تمہارے سب غم و افکار دور کر دیئے گئے ۔‘‘ لکھا ہو گا ۔پانچویں پر ’’ہم نے تمہیں زیورات اور جوڑے پہنائے ۔‘‘نقش ہو گا۔ چھٹی پر’’ہم نے حورعین سے تمہارا عقد کر دیا۔‘‘تحریر ہو گا ساتویں پر ’’اور تمہارے لئے ان جنتوں میں وہ نعمتیں ہیں جن کو جی چاہتا ہے اور آنکھیں لذت پاتی ہیں اور تم یہاں پر ہمیشہ رہو گے ۔‘‘لکھا ہو گا آٹھویں پر ’’تمہیں نبیوں اور صدیقوں کی رفاقت نصیب ہوئی۔‘‘لکھا ہو گا۔ نویں پر ’’تم ایسے جو ان بنے ہو جنہیں بڑھا پا نہیں آئے گا۔‘‘لکھا ہو گا اور دسویں انگوٹھی پر ’’تمہیں اس کے پڑوس میں سکونت ملی ہے جو اپنے ہمسایہ کو ایذا نہیں دیتے ۔‘‘نقش ہو گا۔

یہ تھیں جنت کی نعمتیں اور جنت ۔اور یقینا قارئین کا دل تو چاہتا ہے کہ اس جنت میں جائیں اور اس کی نعمتیں پائیں ۔ اس کا طریقہ کار بھی نظر قارئین ہے۔

جنت کی نعمتیں حاصل کرنے کیلئے پانچ چیزوں کی پابندی: حضرت فقیہ رحمۃ اﷲ علیہ فرماتے ہیں کہ جو شخص اہل جنت والے انعامات کو حاصل کرنا چاہتا ہے ،اسے پانچ چیزوں کی پابندی لازم ہے :پہلی یہ کہ اپنے نفس کو تمام گناہوں سے باز رکھے ۔ ﷲ تعالیٰ کا ارشاد ہے :’’اور اس نے نفس کو خواہش سے روکا سو جنت اس کا ٹھکانہ ہو گا۔‘‘

دوسری یہ کہ دنیا کی تھوڑی سی مقدار پر راضی ہو جائے کیونکہ حدیث شریف میں ہے کہ جنت کی قیمت ترک دنیا ہے ۔ تیسری یہ کہ ہر نیک کام کی خواہش رکھے اور طاعت کے کسی کام کو نہ چھوڑے ۔ نا معلوم کون سی طاعت گناہوں کی بخشش اور جنت کے حصول کا سبب بن جائے ۔اﷲ تعالیٰ کا ارشاد پاک ہے :’’اور یہ وہ جنت ہے جس کے تم اپنے اعمال کے عوض مالک بنا دئیے گئے ۔‘‘اور ایک آیت میں ہے ’’کہ انہیں یہ بدلہ ان کے اعمال کی وجہ سے دیا جائے گا۔‘‘

اور انہیں جو کچھ بھی اعزاز و اکرام ملیں گے وہ طاعت کی بدولت ہی ملیں گے ۔ چوتھی بات یہ کہ نیک لوگوں سے محبت رکھ اور ان کی ہم نشینی اختیار کرے کیونکہ ان میں سے کسی ایک کی بھی جب بخشش ہو گی تو وہ اپنے بھائیوں اور احباب کی سفارش کرے گا۔ جیسا کہ روایت میں ہے کہ نبی کریم ﷺ نے ارشاد فرمایا کہ باہمی بھائی چارہ خوب پیدا کرو کیونکہ قیامت میں ہر بھائی کو سفارش کا موقعہ ملے گا اور پانچویں چیز یہ ہے کہ بکثرت دعا کیا کرے اور اﷲ تعالیٰ سے جنت کی اور خاتمہ بالخیر کی بہت زیادہ درخواست کرتا رہے ۔ بعض داناؤں کا کہنا ہے کہ ثواب کا یقین رکھتے ہوئے بھی دنیا کی طرف مائل ہونا جہالت ہے اور اعمال کے ثوا ب کو جان لینے کے باوجود ان کے لئے محنت نہ کرنا بے ہمتی اور اپنے کو عاجز بنانا ہے اور جنت میں یقینا راحت و آرام ہے ۔مگر یہ اسی کو ملے گا جس نے دنیا میں اس کیلئے تکالیف اٹھائی ہوں گی ۔ جنت میں غنیٰ اور تونگری ہو گی جو انہیں لوگوں کو ملے گی جنہوں نے بقدرِ ضرورت تھوڑی سی دنیا پر کفایت کی اور فضول اور زائد چیزوں کو چھوڑ دیا۔لہٰذا یہ پانچ کام کرنے والے کو جنت اور جنت کی نعمتیں میسر آئیں گی ۔ آج ہی ہم اپنا محاسبہ کریں کہ کیا پانچ کام ہم میں پائے جاتے ہیں۔

عبرت و بصائر : ایک زاہد کا قصہ منقول ہے کہ وہ روٹی کے بغیر سبزی اور نمک وغیرہ کھالیتے ۔ کسی نے کہا کہ بس آپ اسی پر گزارہ کرے ہیں؟فرمانے لگے میں اپنی دنیا جنت کیلئے بنا رہا ہوں اور تو اسے بیت الخلا کیلئے بناتا ہے ،یعنی تو مرغوب کھانے کھا کے بیت الخلا تک پہنچاتا ہے اور میں جو کچھ بھی کھاتا ہوں وہ اس لئے کہ عبادت و طاعت کیلئے سہارا بنے اور آخرکار جنت تک پہنچ سکوں۔

کہتے ہیں کہ حضرت ابراہیم بن ادہم رحمۃ اﷲ علیہ حمام میں جانے لگے تو حمام والے نے روک دیا اور کہنے لگا کہ اجرت کے بغیر نہیں جا سکتے ۔ آپ روکر کہنے لگے اے اﷲ ! ۔یہ شیاطین اور فساق لوگوں کے آنے کا مقام ہے اور مجھے یہاں مفت میں داخل ہونے کی اجازت نہیں ملی تو میں انبیاء اور صدیقین کے مقام یعنی جنت میں کیسے داخل ہو سکوں گا۔؟

منقول ہے کہ بعض انبیاء علیہم السلام کی آسمانی تعلیمات اور وحی میں یہ بات ملتی ہے کہ اے ابن آدم ! تو دوزخ کو بھاری قیمت سے خرید تا ہے مگر جنت کو سستے داموں نہیں لیتا ۔ جس کی وضاحت یہ ہے کہ ایک فاسق آدمی اپنے جیسے فاسقوں کی دعوت کرتا ہے اور اس پر سینکڑوں روپے کا خرچ بھی معمولی سمجھتا ہے تو یہ اس کا دوزخ کا سودا ہے جو بھاری قیمت پر حاصل کیا ۔اگر وہ اﷲ کی رضا کیلئے ایک درہم خرچ کر کے بعض محتاجوں کی دعوت کرنا چاہے تو اسے شاق گزرتا ہے جب کہ یہی اس کیلئے جنت کی قیمت تھی۔

معزز قارئین ! ہمارے اسلاف ہر موقع کو جنت کے حصول کیلئے تصرف میں لاتے۔ اگر ہمیں جنت اور جنت کی نعمتوں سے محبت ہے اور چاہت ہے تو ہمیں اسلاف کے نقش قدم پر چلنا ہو گا۔ اﷲ تعالیٰ ہمیں عمل کی توفیق دے اور خاتمہ بالایمان اور جنت نصیب فرمائے ۔آمین

مکمل تحریر >>

میلاد النبی منانے کی شریعی حیثیت

بسم اللہ الرحمن الرحیم

السلام علیکم ورحمۃ اللہ وبرکاتہ

اللہ تعالی نے فرمایا، مفہوم:

کہ دیجیے اگر تم اللہ سے محبت کرنا چاھتے ہو تو میری (نبی صلی اللہ علیہ وسلم کی) پیروی اوراتباع کرو اللہ تمھیں اپنا محبوب بنالے گا، اور تمھیں بخش دے گا.

ایک اور مقام پر فرمایا، مفہوم:

تم اس کی پیروی کرو جو تمھارے رب کی طرف سے تمھاری طرف نازل کیا گیا ھے، اور اللہ تعالی کو چھوڑ کر کسی اور کی اتباع مت کرو تم لوگ تو بہت ھی کم نصیحت پکڑتےھو

حوالہ: سورۃ الاعراف آیت: 3

ایک مقام پر فرمایا، مفہوم: اور یہ کہ یہ دین میرا راستہ ھے جو مستقیم ہے سو اس راہ پر چلو اور دوسری راہوں پر مت چلو کہ وھ راہیں تم کو اللہ کی راھ سے جدا کر دیں گی.


حوالہ: سورۃ الانعام آیت 153

نبی اکرم صلی اللہ علیہ وسلم نے فرمایا، مفہوم: "یقینا سب سے سچی بات کتاب اللہ ھے، اور سب سے بہتر اور اچھا طریقہ محمد صلی اللہ علیہ وسلم کا ھے، اور سب سے برے امور دین میں بدعات کی ایجاد ہے."

حوالہ: رواہ مسلم، الجمعۃ، 868

ایک حدیث میں رسول اللہ صلی اللہ علیہ وسلم نے فرمایا، مفہوم:

جس کسی نے بھی ہمارے اس دین میں کوئ نئ چیز ایجاد کی جو اس میں سے نہیں ھے تو وہ مردود ہے.

حوالہ: صحیح بخاری حدیث نمبر:2697

اسی طرح ایک صحیح روایت ہے، مفہوم:

جس کسی نے بھی کوئ ایسا عمل کیا جس پر ھمارا حکم نہیں تو وہ عمل مردود ھے.

حوالہ: صحیح مسلم

ان آیات اور احادیث کہ بعد عرض ھے کہ لوگوں نے جو بدعات ایجاد کیں ھیں ان میں ربیع الاول کے مہینے میں میلاد النبی کا جشن منانا بھی شامل ھے.

رسول اللہ، صلی اللہ علیہ وسلم نے فرمایا، مفہوم:

اللہ تعالی بدعتی کا روزہ، نماز، زکوۃ، حج، فرض ونفل کوئ بھی عبادت قبول نہیں کرتا بلکہ اسلام سے بدعتی یوں خارج ھوجاتا ہے جیسے تیر کمان سے.

حوالہ: صحیح بخاری

میلاد النبی کی بدعت کو ایجاد کرنے والا شخص ملک المظفر ابو سعید کوکپوری تھا جو چھٹی یا ساتویں صدی میں تھا، جو اربال کا بادشاھ تھا، جیسا کہ مورخین مثلا حافظ ابن کثیر رحمہ اللہ اور ابن خلکان رحمہ اللہ نے لکھا.

ابو شامہ کہتے ہیں: موصل میں اس کو منانے والا عمر بن محمد ملا تھا، جو صالح مشہور تھا. اربل کے بادشاہ نے اس کی پیروی میں جشن منایا.

(حوالہ: البیان الاخطاء بعض الکتاب 268-270)

اسی طرح حافظ ابن کثیر رحمہ اللہ نے فرمایا، مفہوم: "یہ شخص (ابو سعید کوکپوری) ربیع الاول میں میلادالنبی کا بہت بڑا جشن منایا کرتا تھا..

(حوالہ: البدایہ جلد: 13 صفحہ: 137)

(اور ھم جانتے ھیں کہ رسول اللہ صلی اللہ علیہ وسلم اور صحابہ رضی اللہ عنہم سے یہ ثابت نہیں)

حافظ ابن کثیر رحمہ اللہ فرماتے ہیں، مفہوم:

یہ شخص، صوفیوں کے لۓ ظہر سے فجر تک محفل سماع قائم کرتا اور ان کے ساتھ خود بھی رقص کرتا تھا.

(حوالہ: البدایہ جلد: 13، صفحۂ: 137)

اسی طرح ابن خلکان کہتے ھیں، مفہوم:

صفر کے ابتدا ایام سے ہی وہ زیبائش اور مزین کرتے، اور گانے والے، ارباب خیال، اور تماشہ کرنے والوں کے گروپ بناتے

(حوالہ: وفیات الاعیان جلد: 3 صفحہ: 274)

اس دن جو سب سے بڑی بدعت ھوتی ھے اور جس کا احیاء کیا جاتا ہے وھ مختلف قسم کے کھانے پکا کر تقسیم کیے جاتے ھیں، اور لوگوں کو کھانے کی دعوت دی جاتی ھے، اس لۓ اگر مسلمان اسمیں شامل ھو، کھانا کھاۓ، اس دسترخوان پر بیٹھے، تو بلاشبہ وہ اس بدعت کو زندہ کرنے میں معاون ہے اور اللہ کا ارشاد ہے، مفہوم:

"اور برائ وگناہ اور ظلم و زیادتی میں ایک دوسرے کا تعاون مت کرو."

حوالہ: سورۃ المائدہ، سورۃ نمبر5 آیت نمبر 2

اورجیسا کہ حدیث پاک میں ہے، مفہوم: کہ (دین میں) ہر بدعت گمراہی ہے. اسلۓ ان امور سے بچنے ہی میں ایک مسلمان کی فلاح ہے. جو دین کا عمل قورون اولی یعنی صحابہ، تابعین اور تبع التابعین میں سے کسی سے بھی صحیح یا حسن لذاته روایات سے ثابت نہ ہو اس میں فلاح نہیں بلکہ بعد کے لوگوں کی ایجاد اور اختراہ ہے، اللہ مسلمانوں کو قرآن وسنة اور توحید پر مجتمع اور یکجا فرماۓ اور لغویات، بدعات و خرافات سے دور روکھے، آمین

ان تاریخی حقائق سے بھی یہ ثابت ہوا کہ میلاد النبی کا اجراء قرون اولی یعنی صحابہ، تابعین اور تبعہ التابعین کے وقت میں ثابت نہیں بلکہ یہ عمل بعد کے فاطمی امراء کی اجاد ہے اور یقینا بدعت ہے، اللہ نے فرمایا، مفہوم:

"اے ایمان والو! تم اللہ اور اسکے رسول صلی اللہ علیہ وسلم سے آگے مت بڑھو اور اللہ سے ڈرو.."

(حوالہ: سورۃ الحجرات سورۃ نمبر 49 آیت نمبر:1)

اور اسی طرح اللہ عزوجل نے فرمایا، مفہوم:

"اے ایمان والو! تم اللہ کی اطاعت کرو اور رسول کی اطاعت کرو اور اپنے اعمال باطل نہ کرو"

(حوالہ: سورۃ محمد سورۃ نمبر 47 آیت نمبر 33)

نبی اکرم صلی اللہ علیہ وسلم کی وفات اکثر اھل علم کے ہاں 12 ربیع الاول ہے اور ولادت 8 یا 9 ربیع الاول ہے

(مقالہ: السیرۃ النبویة، توقیتی مطالعه صفحہ 219 سے 223)

تو نبی اکرم صلی اللہ علیہ وسلم کی وفات کے دن پر جشن منانہ کسی مسلمان کو زیب دے گا؟ جبکہ نبی اکرم کی وفات پر صحابہ تیش میں آگیے تھے سیدنا عمر قتل کرنے کو آمادہ ہوگیے، چونکہ اسکی اصل نہیں تو مسئلہ ہی غلط ہے جبکہ ایسا جشن ومیلاد منانا کفار کی مشابہت بھی ہے جسکی ممانعت آئ ھے

((حوالہ: ابی داود رقم الحدیث: 4031 وسندہ حسن صحیح

نبی اکرم صلی اللہ علیہ وسلم سے پیر کے روزے کے متعلق پوچھا گیا تو آپ اپنی پیدائیش کا دن قرار دیا اور اس دن ہی نبوت ملی

حوالہ: صحیح مسلم: 1162

اسی طرح روایت ہے، رسول اللہ صلی اللہ علیہ وسلم نے فرمایا:

تعرض الاعمال یوم الاثنین والخمیس فاحب ان یعرض عملی وانا صائم

مفہوم: اعمال پیر اور جمعرات کو پیش کیے جاتے ہیں، اور میں پسند کرتا ہوں کہ جب میرے اعمال پیش کیے جائیں تو میں روزے میں ہوں.

(حوالہ: جامع الترمذی رقم الحدیث: 747 وسندہ حسن)

گویا معلوم ہوا کہ اگر کوئ شخص ہر پیر اور جمعرات کو اس نیت سے روزہ رکھے کہ ان دنوں میں اعمال اللہ عزوجل کو پیش کیے جاتے ہیں اور اس امید میں کہ اللہ اس شخص کے گناہ معاف کرے، اور وہ شخص اللہ کا شکر گزار ہو کہ اللہ نے نبی کریم صلی اللہ علیہ وسلم کو مبعوث فرمایا اور اسلام جیسا دین دیا، تو یہ جائز ہے مگر کوئ شخص ہر سال میں صرف 12 ربیع الاول کو روزہ رکھے تو یہ ایک بدعت ہے

گویا عید میلاد النبی منانا اور اس موقع پر خاص جشن منانا ایک واضح بدعت ہوئ جو نہ نبی کریم صلی اللہ علیہ وسلم سے اسطرح ثابت ہے اور نہ ہی صحابہ، تابعین، تبع التابعین اور آئمہ دین نے ایسا کوئ عمل کیا. اگر یہ کوئی کارخیر ہوتا تو وہ ہم سے سبقت لے جاتے۔ نبی کریم صلی اللہ علیہ وسلم نے فرمایا، مفہوم:

جس نے ہمارے اس دین میں کوئی ایسی بات ایجاد کی جو اس میں سے نہيں تو وہ ناقابل قبول ہے

(صحیح بخاری: 2697)

ایک روایت کا مفہوم: دین میں ہر نئی بات بدعت و گمراہی ہے اور انجام جہنم ہے

(جامع الترمذی رقم الحدیث: 2676 وسندہ صحیح

اللہ ھمیں راہ راست پر رکھے اور قرآن و السنۃ کی راہوں پر چلاۓ اور گمراہی اور بدعات سے دور رکھے، الھم آمین۔

مکمل تحریر >>

قرآنی احکامات

اسلام دنیا کا وہ واحد مذہب ہے جس نے اپنے پیروکاروں کی اخلاقی اور روحانی دونوں اعتبا ر سے تربیت کر کے انکو اس بات کی جانب راغب کیا ہے کیاہے کہ وہ نہ صرف اپنے لئے جہدوجہد کریں بلکہ ساتھ ساتھ دوسروں کی بھی مدد کریں اور آگے بڑھنے میں مدد کریں ،انکا خیال رکھیں اوراپنی خوشیوں میں دوسروں کو بھی شریک کریں نہ کہ انکے دلوں کودکھی کریں۔قرآن کریم کا موضوع ہی انسان ہے تو اس میں انسان کے لئے ہر حوالے سے احکامات موجود ہیں جس پر وہ عمل کر کے اپنی زندگی کو پرسکون طریقہ کارکے مطابق بسر کر سکتا ہے ۔مگر وقت گذرنے کے ساتھ ساتھ ہم مسلمانوں نے خاص طور پر اس الہامی کتاب کے احکامات پر عمل درآمد کرنا تقریباََ چھوڑ ہی دیاہے جس کی وجہ سے ہم گونا گوں مسائل کا شکار ہو رہے ہیں۔قرآن مجید میں بیان کردہ احکامات ہر دور کے لئے یکساں ہیں ۔یہ طرہ امتیاز اسی آسمانی کتاب کو حاصل ہے کہ اس میں زیر زبر تک کی ہیر پھیر ممکن نہیں ہے اور اس میں بیان کردہ احکامات پر کسی بھی لمحے انسان عمل کرکے اپنی نجات کو ممکن بنا سکتا ہے۔قرآنی احکامات محض ایک دو موضوعات پر مبنی نہیں ہیں یہ اُن تمام پہلوؤں کا احاطہ کرتے ہیں جس سے انسان کو واسطہ پڑتاہے۔آج اسی حوالے سے میں ان احکامات کا خاص طور پر ذکر کروں گا جو کہ ہمارے لئے آج کے موجودہ دور میں بے حد کارآمد ثابت ہو سکتے ہیں اگر ہم اُن پر خلوص نیت سے عمل پیرا ہو جائیں۔

وقت کے گذرنے کے ساتھ ساتھ مسلمان دین سے دور ہونے لگے ہیں اور آج حالات یہاں تک پہنچ گئے ہیں کہ وہ غیر مسلم اقوام کے ہاتھوں ذلیل ورسوا ہو رہے ہیں۔ وہ دین کی باتوں پر عمل نہیں کر رہے ہیں۔جن میں سے سب سے اولین اہمیت نماز کی ہے ،سب سے زیادہ نماز قائم کرنے کا حکم دیا گیا ہے مگر ہم کسی نہ کسی بہانے سے اس حکم سے روگردانی کرے ہیں اورکہتے ہیں کہ حقوق العباد معاف نہیں ہونگے تو وہ ادا کرنا ضروری ہیں ،جبکہ حقوق اﷲ تو وہ ذات باری معاف کر سکتی ہے۔نماز کی اہمیت کا اندازہ اس بات سے بھی لگایا جا سکتا ہے کہ حضرت امام حسین علیہ السلام نے میدان کربلا میں بھی اس کو ادا کیا تھا ۔نماز ہی کے بارے میں روز محشر سب سے: پہلے پوچھا جائے گا تو ہم اس اﷲ کے حکم سے کہ نماز قائم کرو ،جو اسکی الہامی کتاب میں سات سو سے زائد مرتبہ آیا ہے تو کیوں اس کی خلاف ورزی کر رہے ہیں؟ نماز تو کسی بھی صورت میں معاف نہیں ہے تو پھر ہم لوگ کیوں اذان سن کر بھی نماز کی ادائیگی سے کیوں گھبراتے ہیں ؟ کیا ہم اس قدر گناہ گار ہیں کہ اﷲ کے دربار میں حاضری سے بھی ڈرتے ہیں؟ نماز کو دین کا ستون کہا جاتا ہے او رہم اس ستون کے بنا ہی اپنے آپ کو مسلمان کہلوانے پر فخر محسوس کرتے ہیں ۔نماز کی اہمیت کے حوالے سے درج ذیل آیتوں کا ملاحظہ کیجئے ۔

اے محمد ﷺ سورج کے ڈھلنے سے رات کے اندھیرے تک(ظہر،عصر،مغرب،عشا کی) کی نمازیں اور صبح کو قرآن پڑھا کرو،کیوں کہ صبح کے وقت قرآن کو پڑھنا موجب حضور(ملائکہ) ہے۔
سورہ بنی اسرائیل 17۔آیت نمبر78

صبر اور نما کے ذریعہ( اﷲ تعالیٰ سے) سے مدد طلب کرو۔ییہ (نماز) بہت بھاری ہوتی ہے سوائے ان لوگوں کے جو اﷲ سے ڈرنے والے ہیں۔(سوراہ البقرہ:54)

گناہگاروں سے پوچھ رہے ہونگے کہ آخر دوذخ میں کون سی چیز گھسیٹ لائی تو وہ لوگ کہیں گے کہ ہم نہ تھے نماز پڑھنے والے( سورہ المدثر ۔آیت 41۔43)

تم سب اﷲ کی عبادت کرو،اس کے ساتھ کسی کو شریک نہ بناؤ،ماں باپ کے ساتھ نیک برتاؤ کرو،قریبی رشتہ داروں اور یتیموں اورمسکینوں کے ساتھ حسن سلوک سے پیش آؤ ،اور پاس والے پڑوسی سے،اجنبی ہمسایہ سے،ہم مجلس اور راہگیر (مسافر) سے اور اپنے غلاموں اور لونڈیوں سے جو تمہارے قبضے میں ہوں،احسان کا معاملہ رکھو ،یقین جانو اﷲ کسی ایسے شخص کو قطعاََ پسند نہیں کرتا جو(غرورسے) اپنے آپ کو بڑا سمجھتا ہے اور(بڑے فخر سے) شیخی کی باتیں بگھارتا ہے۔(سورہ النساء ترجمہ آیت 36)

والدین کی اطاعت کے حوالے سے مذکورہ آیت کو اگر آج کی ہماری نوجوان نسل ہی پڑھ لے تو شاید ان میں سدھار ممکن ہو سکے جو کہ اپنے ماں باپ کی نافرمان ہو چکی ہے اور انکو قتل تک کرنے سے باز نہیں آتی ہے جس کا اندازہ اخبارات میں شائع ہونے والی خبروں سے بخوبی لگایا جا سکتا ہے ۔ہم نام نہاد مسلمان ہیں اگرایسا نہ ہوتا تو قرآنی احکامات کی یوں دیدہ دلیری کے ساتھ خلاف ورزی نہ کر رہے ہوتے۔ رشتہ داروں اور یتیموں اورمسکینوں کے ساتھ جوآج کے دور میں ہم سلوک رکھ رہے ہیں وہ ہم سب اپنی آنکھوں سے دیکھ رہے ہیں ،آپ میں سے اکثر لوگوں نے یتیموں کے حق کو بھی مارتے دیکھا ہوگا اور تنگ دستوں کو دھتکارتے بھی دیکھا لیا ہوگا۔ہم اپنے ماں باپ کی نافرمانی کر کے کبھی دنیا میں خوش و خرم نہیں رہ سکتے ہیں ،جو والدین کی فرماں بردار اولاد ہوتی ہے وہ کبھی دنیا میں اپنی جائز خواہشتات سے محروم نہیں رہ سکتی ہے کہ جس سے باپ راضی ہوتا ہو اُس سے خدا کیسے ناراض ہوگا؟ او پھر ماں کے پاؤں میں جنت رکھی ہے تو اﷲ کے احکامات جو کہ قرآن میں موجود ہیں کوئی عمل کرتا ہے تو پھر کیسے وہ رب جو اپنے بندہ کو ستر ماؤں سے زیادہ پیار کرنے والا ہے ،اپنے بندے کو جنت سے محروم رکھ سکتا ہے۔

بہت سے لوگوں اس قرآنی حکم کو آج تک نہیں سمجھ سکے ہیں اور آپس میں گلے شکوئے کرتے رہتے ہیں کہ ہم کو کیوں غریبی میں رکھا ہوا ہے؟ ہمارا دوست یا ہمارا پڑوسی تو بہت دولت مند ہے پھر ہم کو اس قدر دولت سے کیوں محروم رکھ کر یوں ہمیں دنیا میں تنگدستی کا شکار کیا گیا ہے؟ایسے لوگ اس قرآنی حکم کو بغور پڑھ لیں تو شاید انکی زندگی آسان ہو جائے۔

رہا دنیا کا رزق ،تو اﷲ کو اختیار ہے ،جسے چاہے بے حساب دیتا ہے۔(سورہ البقرہ:213)

ہمارے آج کل کے معاشرے میں سچ بولنے والوں کی بہت کم لوگ قدر کرتے ہیں اور ہرجگہ بیچارہ سچا انسان شرمسار ہورہاہے کہ وہ کہاں آکر پھنس گیا ہے۔قرآن میں جابجا سچ بولنے کی تلقین کی گئی ہے لیکن پھر بھی ہم لوگ اس پر عمل نہیں کر تے ہیں اور نہ ہی اپنے بچوں کو اسکی اہمیت کے بارے میں ذیادہ شدومد سے آگاہ کرتے ہیں کہ کہیں ہمیں انکی وجہ سے شرمندگی کا سامنا نہ کرنا پڑ جائے۔ہماری باوجود کوششوں کے بھی بعض اوقات ہمارا جھوٹ چھپ نہیں پاتا ہے ایک سچ کو چھپانے کے لئے ہزا ر جھوٹ بول کربھی کچھ حاصل نہیں ہو پاتا ہے کیونکہ سچ بہرحال سامنے آہی جاتاہے۔اس حوالے سے قرآنی احکامات اس قدر سخت ہیں کہ اپنے خونی رشتوں کے خلاف بھی سچ بولنا پڑے تو حکم ہے کہ وہ بھی بولا جائے مگر ہم لوگ مفادپرستی کو اﷲ کے حکم پر ترجیح دیتے ہیں اور آج کے دور میں سچی گواہی دینے سے بھی جان چلی نہ جائے تو دینے سے باز رہتے ہیں۔

ہمارے سیاستدانوں کے بیانات بھی ہمارے سامنے ہیں کہ پاکستان جیسے اسلامی مملکت میں کس طرح سے وہ اپنی سیاست کی دکانداری کو چمکا رہے ہیں ہرروز اپنی باتوں سے مکر جاتے ہیں ؟صرف اپنے مطلب کی خاطر دوسروں کو الو بنا کر بیان دیئے جاتے ہیں کہ ہماری باتیں حرف آخر نہیں ہیں؟جناب جب زندگی کا کچھ پتا نہیں کہ کب ختم ہوجائے تو حضرت انسان کی باتوں پر اعتبار کرنا تو بے وقوفی ہی ہوئی نا؟جب چور اپنی چوری آسانی سے تسلیم نہیں کرتا تو ایک جھوٹا شخص کس طرح سے اپنی باتوں کو جھوٹ تسلیم کرے ۔آپ خود فیصلہ کرلیجئے دہشت گردی کے خاتمے، بجلی ، بے روزگاری،منہگائی سے نجات اور خودکش حملوں کے خلاف کیا کچھ بیانات نہیں آتے ہیں حالات جوں کے توں ہی ہیں؟آخر سچ بول کے دوسرے ایماندار لوگوں کو انکے فیصلہ کن کردار کیوں ادا نہیں کرنے دیا جاتاہے ۔جب ہم جانتے ہیں کہ سچ کبھی نہ کبھی سامنے آنا ہی ہے تو پھر ہم لوگ کیوں جھوٹ کے پردے میں سچ کو چھپانے کی کوشش کرتے ہیں ؟آج کل موبائل فونز پر،انٹرنیٹ چیٹنگ اور روزمرہ کی گفتگو میں جھوٹ بولنے شاید اس بات سے بے خبر ہوچکے ہیں کہ وہ اپنے اعمالوں کا کسی روز حساب کتاب دیں گے؟لیکن شاید ہم لوگ اس قدر بے حس ہوچکے ہیں کہ ہمیں آخرت کے نفع کی بجائے دنیا کے مفاد ذیادہ عزیز ہو چکے ہیں ہم اپنے آپ کو ہر طرح کے حساب کتاب سے ماورا سمجھ رہے ہیں ۔ اﷲ ہم پر رحم فرمائے(آمین)۔سچ بولنے کا فائدہ یہ ہے کہ ہمیں کچھ یاد نہیں رکھنا پڑتا ہے جب کہ جھوٹ بول کر بہت سی باتوں کو یاد بھی رکھنا پڑ جاتا ہے۔سچ بول کر ہم بہت سی مشکلات اورمسائل سے بچ سکتے ہیں۔ اس سلسلہ میں ذرائع ابلاغ اوربالخصوص والدین کو اپنے طور پر بھرپور کوشش کرنی چاہیے کہ نوجوان نسل سچ کی اہمیت سمجھے اورسچائی کو معاشرے پھیلانے میں اپنا کردار سرانجام دے تاکہ روز حشر اﷲ تعالیٰ اور اسکے رسول ﷺ کے سامنے شرمسار نہ ہونا پڑے۔

آج کل خامخواہ ایک دوسرے پر غصہ کرنے کا رحجان بھی بڑھتا جا رہا ہے ،خاوند اپنی بیوی پر،ماں باپ اپنی اولاد پر اور مالک اپنے نوکر پر غصہ کر کے اسے اپنے رعب میں رکھنے کی کوشش کرتے ہیں تاکہ وہ اپنی مرضی کے مطابق اُ ن سے اپنے کام کاج کروا سکیں ۔ایسے لوگ اگر قرآن احکام کو اس حوالے سے پڑھ لیں تو انکی ذات میں سدھار ممکن ہے ۔ابھی قرآن کی اسی آیت کو لیجئے جو کہ میں یہاں پیش کر رہا ہوں۔

اور غصہ کے ضبط کرنے والے لوگوں سے درگذر کرنے والے اور اﷲ تعالیٰ ایسے نیکوکاروں کو محبوب رکھتا ہے۔ (3:134)

سورہ البقرہ میں ہے کہ اﷲ تعالی کی راہ میں خرچ کرو اور اپنے ہاتھوں ہلاکت میں نہ پڑو،اور سلوک واحسان کرو،اﷲ تعالیٰ احسان کرنے والوں کو دوست رکھتا ہے۔قرآن میں جا بجا بیان ہوا ہے کہ اپنی دولت کو ایک جگہ مرکوز کر کے مت رکھیں اور اس کو اﷲ کی راہ میں خرچ کریں اور اﷲ اس دولت کو ہماری سوچ سے بھی زیادہ بڑھا کر ہمیں پھر سے عطاکرتا ہے مگر بہت سے کم عقل لوگ بھی اس قرآنی حکم کو سمجھنے سے قاصر ہیں یا پھر وہ جیسے کہ قرآن میں ہی ہے کہ کچھ لوگ کان رکھتے ہیں مگر سنتے نہیں ہیں،زبان رکھتے ہیں مگر بولتے نہیں ہیں ،دیکھتے ہیں مگر سمجھتے نہیں ہیں ۔اﷲ تعالیٰ نے ہم انسانوں کو اتنا کچھ عطا کیا ہوا ہے کہ ہم اس ر ب کا شکر اداکرنے کے قابل نہیں ہیں مگر پھر بھی وہ ذات ہمیں بس دیئے جارہی ہے اور ہماری دولت سے اُس کو کوئی نفع نہیں پہنچ سکتا ہے جبکہ اُسکی عطا کردہ دولت سے ہم اپنے لئے آسائش وغیر ہ خرید سکتے ہیں۔

بہت سے لوگ ایسے بھی دنیا میں ہیں جو اُس واحد لاشریک کے ساتھ کسی دوسرے کو معبود بنالیتے ہیں یا کسی اور کو سب کچھ عطا کرنے والا سمجھتے ہیں؟ یہ ایک ایسا گناہ ہے جس کی اﷲ نے کوئی معافی نہیں رکھی ہے اور باقی تمام گناہ وہ بخشنے والا ہے ۔ہم میں سے اکثر لوگ گمراہی میں مبتلا ہو کر شرک کر جاتے ہیں اور ہمیں اس کی خبر تک نہیں ہوتی ہے۔اﷲ کے ہاں بس شرک ہی کی بخش نہیں ہے ،اس کے سوا اور سب کچھ معاف ہو سکتا ہے ،جسے و ہ معاف کرنا چاہے جس نے اﷲ کے ساتھ کسی کو شریک ٹھہرایا تو وہ گمراہی میں بہت دور نکل گیا۔سورہ النسا ۔آیت116

عدل اﷲ تعالی کی صفت ہے۔ قران میں بھی باربار اس بارے میں احکام بیان کئے گئے ہیں۔قران میں ایک جگہ پر اس کو یوں بیان کیا گیا ہے کہ ــ’’میں بند وں پر ظلم نہیں کرتا ‘‘جبکہ دو سرے مقام پر یہ بات یوں کہی گئی ’’اے رسولﷺ جب آپ انکے درمیان فیصلہ کریں تو عدل کے ساتھ فیصلہ کریں بیشک اﷲ تعالی ٰ عدل و انصاف کرنے والوں کو پسند کرتا ہے۔‘‘ جبکہ سورۃ شوری میں اسطرح سے حضور ﷺ کی زبان سے قران میں کہلایا گیا کہ’’کہو مجھے یہ حکم دیا گیا ہے کہ تمھارے درمیان عدل کرو‘‘۔

وقت کے گذرنے کے ساتھ ساتھ نہ صرف اسلام کے دعویٰ دار ممالک بلکہ غیر مسلم معاشرے میں بھی عدل وانصاف کی فراہمی کم سے کم تر ہوتی جا رہی ہے جس کی بناء پر مختلف انواع اقسام کے مسائل پیدا ہوتے جارہے ہیں۔ڈاکڑ عافیہ صدیقی کی مثال ہمارے سامنے ہے جس کو ناکردہ گناہوں کی سزا دی ہے ۔حالانکہ وہ پہلے ہی بہت اذیت اور تشد د کا سامنا کر چکی ہے لیکن عدل وانصاف کے دعویٰ دار امریکہ اس کو شاید اپنے خلاف آواز بلند کرنے کی سزا دینے پر تلا ہو ا ہے ۔اور ہمارے اسلامیہ جمہوریہ پاکستان میں موجود ہیومین رائٹس کی تنظیمیں اور سیاست دان اپنے مطلب پرستی کی سرگرمیاں میں مصروف ہیں کسی کو اپنی مسلم بہن کی پکارسن کر اس کو انصاف فراہم کرنے کی فکر نہیں ہے ۔شاید ہم لوگ بے حس ہو چکے ہیں جب تک خود پر کچھ نہ ہو کسی کے لئے بھلا کرنے کی توفیق نہیں ملے گی۔ چند اسلامی ممالک کی حد تو عدل وانصاف کی فراہمی میں کوئی رکاوٹ نہیں ہے لیکن ہمارے ارض پاک میں قیام کے آغاز سے ہی اس کے بارے میں ایسا سلوک کیا گیا ہے کہ حقدار بھی اپنے حق سے دستبرار ہونے کو ترجیح دیتے ہیں۔

قرآن میں عورتوں کے ساتھ بھی انصاف کرنے کا حکم دیا گیا ہے اور انکو اپنی زندگی آزاد و مرضی سے بسرکرنے کا حق دیا ہے مگر آج اس پر بھی بہت کم عمل درآمد کیا جاتا ہے۔بہت سے حق ،حق کا نعرہ لگانے والے ہی انصاف کی فراہمی میں رکاوٹ پیدا کرتے ہیں پھر بھی کہتے ہیں کہ وہ انصاف پسند ہیں۔انصاف کا تقاضا تو یہ ہے کہ قرآن کے احکامات کے مطابق مرد اُسی وقت چار شادیاں کرے جب وہ ہر ایک زوج کے ساتھ انصاف کر سکتا ہو،اگر ایسا نہ کیا تو وہ روزمحشر اس بابت خداوندکریم کو جواب دہ ہوگا؟اسکے ساتھ رشوت کا رجحان تو عام پاکستان میں ہوچکا ہے جبکہ اس حوالے سب بھی قرآنی احکام سخت ہیں مگر ہم ہیں کہ تنخواہ کے علاوہ رشوت لینا بھی اپنا فرض سمجھتے ہیں اور جو دیتے ہیں انکی وجہ سے جو نہیں دے سکتا ہے وہ بھی بحالت مجبوری دیتا ہے۔ضرورت اس امر کی ہے کہ ہم قرآنی احکامات کو سمجھ کر اپنی زندگیوں کو گذاریں تاکہ معاشرے میں بدامنی ختم ہو سکے اور روزمحشر ہم اﷲ کے سامنے بھی سرخرو ہو سکیں۔

مکمل تحریر >>

پندرواں: انمول موتی

گمراه
اور انہیں اس شخص کا حال سنا دیجیے جسے ہم نے اپنی آیات دیں مگر وہ انہیں چھوڑ نکلا پھر شیطان نے اس کا پیچھا کیا تو وہ گمراہوں میں سے ہو گیا
سورۃ الاعراف(7)- آیت: 175



غافل لوگ
اور بتحقیق ہم نے جن و انس کی ایک کثیر تعداد کو (گویا) جہنم ہی کے لیے پیدا کیا ہے، ان کے پاس دل تو ہیں مگر وہ ان سے سمجھتے نہیں اور ان کی آنکھیں ہیں مگر وہ ان سے دیکھتے نہیں اور ان کے کان ہیں مگر وہ ان سے سنتے نہیں، وہ جانوروں کی طرح ہیں بلکہ ان سے بھی گئے گزرے، یہی لوگ تو (حق سے) غافل ہیں
سورۃ الاعراف(7)- آیت: 179



شكر گزار لوگ
اور پاکیزہ زمین میں سبزہ اپنے رب کے حکم سے نکلتا ہے اور خراب زمین کی پیداوار بھی ناقص ہوتی ہے یوں ہم شکر گزاروں کے لیے اپنی آیات کو مختلف انداز میں بیان کرتے ہیں
سورۃ الاعراف(7)- آیت: 58



الله كي رحمت
اور وہی تو ہے جو ہواؤں کو خوش خبری کے طور اپنی رحمت کے آگے آگے بھیجتا ہے، یہاں تک کہ جب وہ ابرگراں کو اٹھا لیتی ہیں تو ہم انہیں کسی مردہ زمین کی طرف ہانک دیتے ہیں پھر بادل سے مینہ برسا کر اس سے ہر طرح کے پھل پیدا کرتے ہیں، اسی طرح ہم مردوں کو بھی (زمین سے) نکالیں گے شاید تم نصیحت حاصل کرو
سورۃ الاعراف(7)- آیت: 57



فساد برپا نہ كرو
اپنے رب کی بارگاہ میں دعا کرو عاجزی اور خاموشی کے ساتھ، بے شک وہ تجاوز کرنے والوں کو دوست نہیں رکھتا _ اور تم زمین میں اصلاح کے بعد اس میں فساد نہ پھیلاؤ اور اللہ کوخوف اور امید کے ساتھ پکارو، اللہ کی رحمت یقینا نیکی کرنے والوں کے قریب ہے
سورۃ الاعراف(7)- آیات: 55،56



جنت والے لوگ
اور ایمان لانے والے اور نیک اعمال بجا لانے والے اہل جنت ہیں جہاں وہ ہمیشہ رہیں گے، ہم کسی کو (نیک اعمال کی بجا آوری میں) اس کی طاقت سے زیادہ ذمہ دار نہیں ٹھہراتے
سورۃ الاعراف(7)- آیت: 42


جنت میں جانا
جنہوں نے ہماری آیات کی تکذیب کی اور ان سے تکبر کیا ہے ان کے لیے آسمان کے دروازے نہیں کھولے جائیں گے اور ان کا جنت میں جانا اس طرح محال ہے جس طرح سوئی کے ناکے سے اونٹ کا گزرنا اور ہم مجرموں کو اسی طرح سزا دیتے ہیں ان کے لیے جہنم ہی بچھونا اور اوڑھنا ہو گی اور ہم ظالموں کو ایسا بدلہ دیا کرتے ہیں
سورۃ الاعراف(7)- آیات: 40، 41



دگنا عذاب
اللہ فرمائے گا: تم لوگ جن و انس کی ان قوموں کے ہمراہ داخل ہو جاؤ جو تم سے پہلے جہنم میں جا چکی ہیں، جب بھی کوئی جماعت جہنم میں داخل ہو گی اپنی ہم خیال جماعت پر لعنت بھیجے گی، یہاں تک کہ جب وہاں سب جمع ہو جائیں گے تو بعد والی جماعت پہلی کے بارے میں کہے گی: ہمارے رب! انہوں نے ہمیں گمراہ کیا تھا لہٰذا انہیں آتش جہنم کا دوگنا عذاب دے، اللہ فرمائے گا: سب کو دوگنا (عذاب) ملے گا لیکن تم نہیں جانتے.
سورۃ الاعراف(7)- آیت: 38



ظالم شخص
اس شخص سے بڑھ کر ظالم اور کون ہو سکتا ہے جو اللہ پر جھوٹ بہتان باندھے یا اس کی آیات کی تکذیب کرے؟ ایسے لوگوں کو وہ حصہ ملتا رہے گا جو ان کے حق میں لکھا ہے چنانچہ جب ہمارے بھیجے ہوئے (فرشتے) ان کی قبض روح کے لیے آئیں گے تو کہیں گے: کہاں ہیں تمہارے وہ (معبود) جنہیں تم اللہ کے سوا پکارتے تھے؟ وہ کہیں گے: وہ ہم سے غائب ہو گئے اور اب وہ خود اپنے خلاف گواہی دیں گے کہ وہ واقعی کافر تھے
سورۃ الاعراف(7)- آیات: 37



تقویٰ والے لوگ
اے اولاد آدم! اگر تمہارے پاس خود تم ہی میںسے رسول آئیں جو تمہیں میری آیات سنایا کریں تو (اس کے بعد) جو تقویٰ اختیار کریں اور اصلاح کریں پس انہیں نہ کسی قسم کا خوف ہو گا اور نہ وہ محزون ہو ں گے _ اور جو لوگ ہماری آیات کی تکذیب کرتے ہیں اور ان سے تکبر کرتے ہیں وہی اہل جہنم ہیں،جہاں وہ ہمیشہ رہیں گے
سورۃ الاعراف(7)- آیات: 35، 36



ناحق ظلم اور زيادتي حرام ہے
ان کی پہلی جماعت دوسری جماعت سے کہے گی: تمہیں ہم پر کوئی بڑائی حاصل نہ تھی؟ پس تم اپنے کیے کے بدلے عذاب چکھو
سورۃ الاعراف(7)- آیت: 39




حد سے آگے مت نكلو
اے بنی آدم!ہر عبادت کے وقت اپنی زینت(لباس)کے ساتھ رہو اور کھاؤ اور پیو مگر اسراف نہ کرو،اللہ اسراف کرنے والوں کو یقینا دوست نہیں رکھتا
سورۃ الاعراف(7)- آیت: 31




آزمائش كي چيزيں
اور وہ وہی ہے جس نے تمہیں زمین میں نائب بنایا اور تم میں سے بعض پر بعض کے درجات بلند کیے تاکہ جو کچھ اللہ نے تمہیں دیا ہے اس میں وہ تمہیں آزمائے، بے شک آپ کا رب (جہاں) جلد عذاب دینے والا ہے (وہاں) وہ یقینا بڑا غفور، رحیم بھی ہے
سورۃ الانعام (6)- آیت : 165




دوسرے كا بوجھ
کہ دیجیے:کیا میں کسی غیر اللہ کو اپنا معبود بناؤں؟حالانکہ اللہ ہر چیز کا رب ہے اور ہر شخص اپنے کیے کا خود ذمے دار ہے اور کوئی بوجھ اٹھانے والا کسی دوسرے کا بوجھ نہیں اٹھائے گا پھر تم سب کو اپنے رب کی طرف لوٹ کر جانا ہے پھر (وہاں) وہ تمہیں بتائے گا جس چیز کے بارے میں تم لوگ اختلاف کیا کرتے تھے
سورۃ الانعام (6)- آیت : 164




عبادات صرف الله كے ليے
کہ دیجیے: میری نماز اور میری قربانی اور میرا جینا اور میرا مرنا سب یقینا اللہ رب العالمین کے لیے ہے -
سورۃ الانعام (6)- آیت : 162




سيدها راستہ
کہدیجیے: میرے پروردگار نے مجھے صراط مستقیم دکھائی ہے جو ایک استوار دین ہے، (یہی) ملت ابراہیم (اور توحید کی طرف) یکسوئی کا دین ہے اور ابراہیم مشرکوں میںسے نہیں تھے
سورۃ الانعام (6)- آیت : 161




نيكي كا دس گنا ثواب
جنہوں نے اپنے دین میں تفرقہ ڈالا اور گروہوں میں بٹ گئے بیشک آپ کا ان سے کوئی تعلق نہیں ہے، ان کا معاملہ یقینا اللہ کے حوالے ہے پھر وہ انہیں بتائے گا جو کچھ وہ کرتے رہے ہیں - جو (اللہ کے پاس) ایک نیکی لے کر آئے گا اسے دس گنا (اجر) ملے گا اور جو برائی لے کر آئے گا اسے صرف اسی برائی جتنا بدلہ دیا جائے گا اور ان پر ظلم نہیں کیاجائے گا
سورۃ الانعام (6)- آیات : 159-160



الله كا راستہ
اور یہی میرا سیدھا راستہ ہے اسی پر چلو اور مختلف راستوں پر نہ چلو ورنہ یہ تمہیں اللہ کے راستے سے ہٹا کر پراگندہ کر دیں گے، اللہ نے تمہیں یہ ہدایات (اس لیے) دی ہیں تاکہ تم تقویٰ اختیار کرو
سورۃ الانعام (6)- آیت : 153



ہميشہ انصاف كي بات كرو
اور یتیم کے مال کے نزدیک نہ جانا مگر ایسے طریقے سے جو (یتیم کے لیے) بہترین ہو یہاں تک کہ وہ اپنے رشد کو پہنچ جائے اور ناپ تول انصاف کے ساتھ پورا کرو، ہم کسی پر اس کی طاقت سے زیادہ ذمے داری نہیں ڈالتے اور جب بات کرو تو عدل کے ساتھ اگرچہ اپنے قریب ترین رشتے داروں کے خلاف ہی کیوں نہ جائے اور اللہ سے کیا ہوا عہد پورا کرو، یہ وہ ہدایات ہیں جو اللہ نے تمہیں دی ہیں شاید تم یاد رکھو
سورۃ الانعام (6)- آیات : 116-152



الله كے احكام
کہ دیجیے:آؤ میں تمہیں وہ چیزیں بتا دوں جو تمہارے رب نے تم پر حرام کر دی ہیں، (وہ یہ کہ) تم لوگ کسی کو اس کا شریک نہ بناؤ اور والدین پر احسان کرو اور مفلسی کے خوف سے اپنی اولاد کو قتل نہ کرو، ہم تمہیں بھی رزق دیتے ہیں اور انہیں بھی اور علانیہ اور پوشیدہ (کسی طور پر بھی) بے حیائی کے قریب نہ جاؤ اور جس جان کے قتل کو اللہ نے حرام کیا ہے اسے قتل نہ کرو ہاں مگر حق کے ساتھ، یہ وہ باتیں ہیں جن کی وہ تمہیں نصیحت فرماتا ہے تاکہ تم عقل سے کام لو
سورۃ الانعام (6)- آیت : 151



ناپاك چيزيں
کہ دیجیے:جو وحی میرے پاس آئی ہے، اس میں کوئی چیز ایسی نہیں پاتا جو کھانے والے پر حرام ہو مگر یہ کہ مردار ہو یا بہتا ہوا خون ہو یا سور کا گوشت کیونکہ یہ ناپاک ہیں یا ناجائز ذبیحہ جس پر غیر اللہ کا نام لیا گیا ہو، پس اگر کوئی مجبور ہوتا ہے (اور ان میں سے کوئی چیز کھا لیتا ہے) نہ (قانون کا) باغی ہو کر اور نہ (ہی ضرورت سے) تجاوز کا مرتکب ہو کر تو آپ کا رب یقینا بڑا بخشنے والا، رحم کرنے والا ہے.
سورۃ الانعام (6)- آیت : 145



زندگي اور روشني
کیا وہ شخص جو مردہ تھا پھر ہم نے اسے زندہ کر دیا اور ہم نے اسے روشنی بخشی جس کی بدولت وہ لوگوں میں چلتا پھرتا ہے اس شخص کی طرح ہو سکتا ہے جو تاریکیوں میں پھنسا ہوا ہو اور اس سے نکل نہ سکتا ہو؟ یوں کافروں کے لیے ان کے کرتوت خوشنما بنا دیے گئے ہیں
سورۃ الانعام (6)- آیت : 122



نافرماني اور گناه
اور تم ظاہری اور پوشیدہ گناہوں کو ترک کر دو، جو لوگ گناہ کا ارتکاب کرتے ہیں بے شک وہ عنقریب اپنے کیے کی سزا پائیں گے - اور جس (ذبیحہ) پر اللہ کا نام نہیں لیا گیا اسے نہ کھاؤ کیونکہ یہ سنگین گناہ ہے اور شیاطین اپنے دوستوں کو پڑھاتے ہیں کہ وہ تم سے بحث کریں اور اگر تم نے ان کی اطاعت کی تو یقینا تم بھی مشرک بن جاؤ گے
سورۃ الانعام (6)- آیات :120-121



قياس و گمان كي پيروي
اور اگر آپ زمین پر بسنے والے لوگوں کی اکثریت کے کہنے پر چلیں گے تو وہ آپ کو راہ خدا سے بہکا دیںگے، یہ لوگ تو صرف ظن کی پیروی کرتے ہیں اور یہ صرف قیاس آرائیاں ہی کیا کرتے ہیں - بے شک آپ کارب خوب جانتا ہے کہ کون اس کے راستے سے بھٹک گیا اور ہدایت پانے والوں سے بھی وہ خوب آگاہ ہے
سورۃ الانعام (6)- آیات : 116-117



جہالت اور شرك
گالی مت دو ان کوجن کو یہ اللہ کو چھوڑ کر پکارتے ہیں مبادا وہ عداوت اور نادانی میں اللہ کو برا کہنے لگیں، اس طرح ہم نے ہر قوم کے لیے ان کے اپنے کردار کو دیدہ زیب بنایا ہے، پھر انہیں اپنے رب کی طرف لوٹ کر جانا ہے، پس وہ انہیں بتا دے گا کہ وہ کیا کرتے رہے ہیں
سورۃ الانعام (6)- آیت : 108



نشانياں
رسو ل کے ذمے بس حکم پہنچادینا ہے اور جو کچھ تم چھپاتے ہو اور جو کچھ ظاہر کرتے ہو اللہ سب جانتا ہے
سورۃ الانعام (6)- آیت : 99



ستارے
اور وہی ہے جس نے تم سب کو ایک ہی ذات سے پیدا کیا، پھر ایک جائے استقرار ہے اور جائے ودیعت، ہم نے صاحبان فہم کے لیے آیات کو کھول کر بیان کر دیا ہے
سورۃ الانعام (6)- آیت : 98



ابراہیم (ع) كا واقعہ
اور اس طرح ہم ابراہیم کو آسمانوں اور زمین کا (نظام) حکومت دکھاتے تھے تاکہ وہ اہل یقین میں سے ہو جائیں
سورۃ الانعام (6)- آیت : 75



حكمت والا
اور جب ابراہیم نے اپنے باپ (چچا) آزر سے کہا: کیا تم بتوں کو معبود بناتے ہو؟ میں تمہیں اور تمہاری قوم کو صریح گمراہی میں دیکھ رہا ہوں
سورۃ الانعام (6)- آیت : 74



نماز قائم كرو
اور یہ کہ نماز قائم کرو اور تقوائے الٰہی اختیار کرو اور وہی تو ہے جس کی بارگاہ میں تم جمع کیے جاؤ گے - اور وہی ہے جس نے آسمانوں اور زمین کو برحق پیدا کیااور جس دن وہ کہے گا ہو جا! تو ہو جائے گا،اس کا قول حق پر مبنی ہے اور اس دن بادشاہی اسی کی ہو گی جس دن صور پھونکا جائے گا، وہ پوشیدہ اور ظاہری باتوں کا جاننے والا ہے اور وہی باحکمت خوب باخبر ہے
سورۃ الانعام (6)- آیت : 72-73

مکمل تحریر >>

چودواں: انمول موتی

سونا اور چاندی جمع کرنے والے
اے ایمان والو! (اہل کتاب کے) بہت سے علماء اور راہب ناحق لوگوں کا مال کھاتے ہیں اور انہیں راہ خدا سے روکتے ہیں اور جو لوگ سونا اور چاندی ذخیرہ کرتے ہیں اور اسے راہ خدا میں خرچ نہیں کرتے انہیں دردناک عذاب کی خوشخبری سنا دیجیے
سورۃ التوبہ (10)- آیت: 34



نافرمان لوگ
کہدیجیے: تمہارے آبا اور تمہارے بیٹے اور تمہارے بھائی اور تمہاری بیویاں اور تمہاری برادری اور تمہارے وہ اموال جو تم کماتے ہو اور تمہاری وہ تجارت جس کے بند ہونے کا تمہیں خوف ہے اور تمہاری پسند کے مکانات اگر تمہیں اللہ اور اس کے رسول اور راہ خدا میں جہاد سے زیادہ عزیز ہیں تو ٹھہرو! یہاں تک کہ اللہ اپنا حکم لے آئے اور اللہ فاسقوں کی رہنمائی نہیں کیا کرتا
سورۃ التوبہ (10)- آیت: 24



قربانی
نہ اس کا گوشت اللہ کو پہنچتا ہے اور نہ اس کا خون بلکہ اس تک تمہارا تقویٰ پہنچتا ہے، اسی طرح اللہ نے انہیں تمہارے لیے مسخر کیا ہے تاکہ اللہ کی عطا کردہ ہدایت پر تم اس کی بڑائی کا اظہار کرو اور (اے رسول) آپ نیکی کرنے والوں کو بشارت دیں
سورۃ الحج (22)- آیت: 37



الله کی بشارت
جو لوگ ایمان لائے اور ہجرت کی اور اپنے اموال سے اور اپنی جانوں سے راہ خدا میں جہاد کیا وہ اللہ کے نزدیک نہایت عظیم درجہ رکھتے ہیں اور وہی لوگ کامیاب ہیں - ان کا رب انہیں اپنی رحمت اور خوشنودی کی اور ان جنتوں کی خوشخبری دیتا ہے جن میں ان کے لیے دائمی نعمتیں ہیں - ان میں وہ ابد تک رہیںگے، بے شک اللہ کے پاس عظیم ثواب ہے
سورۃ التوبہ (10)- آیات: 20 تا 22



حج
سب سے پہلا گھرجولوگوں(کی عبادت) کے لیے بنایا گیا وہ وہی ہے جو مکہ میں ہے جو عالمین کے لیے بابرکت اور راہنما ہے - اس میں واضح نشانیاں ہیں (مثلاً) مقا م ابراہیم اور جو اس میںداخل ہوا وہ امان والاہو گیااور لوگوں پر اللہ کا حق ہے کہ جو اس گھر تک جانے کی استطاعت رکھتا ہو وہ اس گھر کا حج کرے اور جو کوئی اس سے انکار کرتا ہے تو (اس کا اپنا نقصان ہے) اللہ تو عالمین سے بے نیاز ہے
سورۃ آل عمران (2)- آیات: 96، 97



سیدهی راه پر چلنے والے
یہ تھی تمہاری بات اور رہی کافروں کی بات تو اللہ ان کی مکاری کا زور توڑ دینے والا ہے
سورۃ التوبہ (10)- آیت: 18



الله کی مسجدیں
پس انہیں تم نے قتل نہیں کیا بلکہ اللہ نے انہیں قتل کیا اور (اے رسول) جب آپ کنکریاں پھینک رہے تھے اس وقت آپ نے نہیں بلکہ اللہ نے کنکریاں پھینکی تھیں تاکہ اپنی طرف سے مومنوں کو بہتر آزمائش سے گزارے بے شک اللہ سننے والا، جاننے والاہے
سورۃ التوبہ (10)- آیت: 17



الله بڑا با خبر ہے
اور جس نے اس روز اپنی پیٹھ پھیری مگر یہ کہ جنگی چال کے طور پر ہو یا کسی فوجی دستے سے جا ملنے کے لیے تو (کوئی حرج نہیں ورنہ) وہ اللہ کے غضب میں گرفتار ہو گیا اور اس کا ٹھکانا جہنم ہو گا اور وہ بہت بری جگہ ہے
سورۃ التوبہ (10)- آیت: 16



ایمان کا حق ادا کرنے والے
اور جو لوگ ایمان لائے اور مہاجرت کی اور راہ خدا میں جہاد کیا نیز جنہوں نے (ہجرت کرنے والوں کو) پناہ دی اور مدد کی وہی سچے مومن ہیں،ان کے لیے مغفرت اور باعزت رزق ہے
سورۃ الانفال (8)- آیت: 74



صلح و دوستی
اور (اے رسول) اگر وہ صلح و آشتی کی طرف مائل ہو جائیں تو آپ بھی مائل ہو جائیے اور اللہ پر بھروسا کیجیے یقینا وہ خوب سننے والا، جاننے والا ہے . اور اگر وہ آپ کو دھوکہ دینا چاہیں تو آپ کے لیے یقینا اللہ کافی ہے، وہی تو ہے جس نے اپنی نصرت اور مومنین کے ذریعے آپ کو قوت بخشی ہے
سورۃ الانفال (8)- آیات: 61، 62



ايمان والوں كو ہدايت
اور ان لوگوں کی طرح نہ ہونا جو اپنے گھروں سے اتراتے ہوئے اور لوگوں کو دکھانے کے لیے نکلے ہیں اور اللہ کا راستہ روکتے ہیں اور اللہ ان کے اعمال پر خوب احاطہ رکھتا ہے
سورۃ الانفال (8)- آیت: 47



الله صبر كرنے والوں كے ساتھ ہے
اے ایمان والو! جب کسی جماعت سے تمہارا مقابلہ ہو جائے تو ثابت قدم رہو اور کثرت سے اللہ کو یاد کرو تاکہ تم فلاح پاؤ - اور اللہ اور اس کے رسول کی اطاعت کرو اور آپس میں نزاع نہ کرو ورنہ ناکام رہو گے اور تمہاری ہوا اکھڑ جائے گی اور صبر سے کام لو، بے شک اللہ صبر کرنے والوں کے ساتھ ہے
سورۃ الانفال (8)- آیات: 45،46



نقصان اٹهانے والے لوگ
جنہوں نے کفر اختیار کیا وہ اپنے اموال (لوگوں کو) راہ خدا سے روکنے کے لیے خرچ کرتے ہیں، ابھی مزید خرچ کرتے رہیں گے پھر یہی بات ان کے لیے باعث حسرت بنے گی پھر وہ مغلوب ہوں گے اور کفر کرنے والے جہنم کی طرف اکٹھے کیے جائیں گے _ تاکہ اللہ ناپاک کو پاکیزہ سے الگ کر دے اور ناپاکوں کو ایک دوسرے کے ساتھ باہم ملا کر یکجا کر دے پھر اس ڈھیر کو جہنم میں جھونک دے، (دراصل) یہی لوگ خسارے میں ہیں
سورۃ الانفال (8)- آیات: 36، 37



فيصلے كي قوت
اے ایمان والو! اگر تم اللہ سے ڈرو تو وہ تمہیں (حق و باطل میں) تمیز کرنے کی طاقت عطا کرے گا اور تمہارے گناہوں کو مٹا دے گا اور تمہیں بخش دے گا اور اللہ بڑے فضل والا ہے
سورۃ الانفال (8)- آیت: 29



خيانت نہ كرو
اے ایمان والو! اللہ اور اس کے رسول کے ساتھ خیانت نہ کرو اور اپنی امانتوں میں بھی خیانت نہ کرو درحالیکہ تم جانتے ہو - اور جان لو کہ تمہارے اموال اور تمہاری اولاد آزمائش ہیں اور بے شک اللہ ہی کے ہاں اجر عظیم ہے
سورۃ الانفال (8)- آیات: 27،28



شكر گزار بندے
اور (وہ وقت) یاد کرو جب تم تھوڑے تھے، تمہیں زمین میں کمزور سمجھا جاتا تھا اور تمہیں خوف رہتا تھا کہ مبادا لوگ تمہیں ناپید کر دیں تو اس نے تمہیں پناہ دی اور اپنی نصرت سے تمہیں تقویت پہنچائی اور تمہیں پاکیزہ روزی عطا کی تاکہ تم شکر کرو
سورۃ الانفال (8)- آیت: 26



زندگي بخشنے والي چيز
اے ایمان والو! اللہ اور رسول کو لبیک کہو جب وہ تمہیں حیات آفرین باتوں کی طرف بلائیں اور جان لو کہ اللہ آدمی اور اس کے دل کے درمیان حائل ہے اور یہ بھی کہ تم سب اسی کی طرف جمع کیے جاؤ گے
سورۃ الانفال (8)- آیت: 24



اطاعت
اے ایمان والو! اللہ اور اس کے رسول کی اطاعت کرو اور حکم سننے کے بعد تم اس سے روگردانی نہ کرو _ اور ان لوگوں کی طرح نہ ہو جانا جنہوں نے یہ تو کہ دیا کہ ہم نے سن لیا مگر درحقیقت وہ سنتے نہ تھے _ اللہ کے نزدیک تمام جانداروں میں بدترین یقینا وہ بہرے گونگے ہیں جو عقل سے کام نہیں لیتے
سورۃ الانفال (8)- آیات: 20 تا 22



ميدان جنگ ميں پیٹھ نہ پھیرو
یہ ہے تمہاری سزا پس اسے چکھو اور بتحقیق کافروں کے لیے دوزخ کا عذاب ہے _ اے ایمان والو! جب میدان جنگ میں کافروں سے تمہارا سامنا ہو جائے تو ان سے پیٹھ نہ پھیرنا
سورۃ الانفال (8)- آیات: 14،15



حقيقي م‍ؤمن
جو نماز قائم کرتے ہیں اور جو رزق ہم نے انہیں دیا ہے اس میں سے خرچ کرتے ہیں _ یہی لوگ حقیقی مومن ہیں، ان کے لیے ان کے رب کے پاس درجات ہیں اور مغفرت اور باعزت روزی ہے
سورۃ الانفال(8)- آیات: 3،4



سچے اہل ايمان
مومن تو صرف وہ ہیں کہ جب اللہ کا ذکر کیا جاتا ہے تو ان کے دل کانپ جاتے ہیں اور جب انہیں اس کی آیات پڑھ کر سنائی جاتی ہیں تو ان کے ایمان میں اضافہ ہوتا ہے اور وہ اپنے رب پر بھروسہ کرتے ہیں
سورۃ الانفال(8)- آیت: 2



ياد الهي
بے شک جو لوگ اہل تقویٰ ہیں انہیں جب کبھی شیطان کی طرف سے کسی خطرے کا احساس ہوتا ہے تو وہ چوکنے ہو جاتے ہیں اور انہیں اسی وقت سوجھ آجاتی ہے
سورۃ الاعراف(7)- آیت: 201



الله كي پناه
(اے رسول) در گزر سے کام لیں، نیک کاموں کا حکم دیں اور جاہلوں سے کنارہ کش ہو جائیں _ اور اگر شیطان آپ کو اکسائے تو اللہ کی پناہ مانگیں، یقینا وہ بڑا سننے والا، جاننے والا ہے
سورۃ الاعراف(7)- آیات: 199، 200



خوش خبري سنانے والا
کہ دیجیے: میں خود بھی اپنے نفع و نقصان کا مالک نہیں ہوں مگر اللہ جو چاہتا ہے (وہ ہوتا ہے) اور اگر میں غیب کی باتیں جانتا ہوتا تو بہت سے فائدے حاصل کر لیتا اور مجھے کوئی تکلیف بھی نہ پہنچتی، میں تو بس ایمان والوں کو تنبیہ کرنے اور بشارت دینے والا ہوں
سورۃ الاعراف(7)- آیت: 188



قيامت كي گهڑي
(یہ رحمت ان مومنین کے شامل حال ہو گی)جو لوگ اس رسول کی پیروی کرتے ہیں جو نبی امی کہلاتے ہیں جن کا ذکر وہ اپنے ہاں توریت اور انجیل میں لکھا ہوا پاتے ہیں وہ انہیں نیکی کا حکم دیتے ہیں اور برائی سے روکتے ہیں اور پاکیزہ چیزیں ان کے لیے حلال اور ناپاک چیزیں ان پر حرام کرتے ہیں اور ان پر لدے ہوئے بوجھ اور (گلے کے) طوق اتارتے ہیں، پس جو ان پر ایمان لاتے ہیں ان کی حمایت اور ان کی مدد اور اس نور کی پیروی کرتے ہیں جو ان کے ساتھ نازل کیا گیا ہے، وہی فلاح پانے والے ہیں
سورۃ الاعراف(7)- آیت: 157



سيدهي راه
کیا انہوں نے آسمانوں اور زمین کی سلطنت اور جو چیزیں اللہ نے پیدا کی ہیں ان میں غور نہیں کیا اور(یہ نہیں سوچا کہ) شاید ان کی موت کاو قت نزدیک ہو رہا ہو؟ آخر اس (قرآن) کے بعد وہ کس بات پر ایمان لائیں گے؟ جسے اللہ گمراہ کرے کوئی اس کی ہدایت کرنے والا نہیں اور اللہ ایسے لوگوں کو ان کی اپنی سرکشی میں بھٹکتا ہوا چھوڑ دیتا ہے
سورۃ الاعراف(7)- آیات: 185، 186



الله كي تدبير
اور جنہیں ہم نے پیدا کیا ہے ان میں ایک جماعت ایسی ہے جو حق کے مطابق ہدایت کرتی ہے اور اسی کے مطابق عدل کرتی ہے _ اور جو ہماری آیات کی تکذیب کرتے ہیں ہم انہیں بتدریج اس طرح گرفت میں لیںگے کہ انہیں خبر تک نہ ہو گی _ اور میں انہیں ڈھیل دوں گا، میری تدبیر یقینا نہایت مضبوط ہے
سورۃ الاعراف(7)- آیات: 181،182،183



الله كے نام
اور زیبا ترین نام اللہ ہی کے لیے ہیں پس تم اسے انہی (اسمائے حسنیٰ) سے پکارو اور جو اللہ کے اسماء میں کج روی کرتے ہیں انہیں چھوڑ دو، وہ عنقریب اپنے کیے کی سزا پائیں گے
سورۃ الاعراف(7)- آیت: 180



بري مثال
بدترین مثال ان لوگوں کی ہے جو ہماری آیات کی تکذیب کرتے ہیں اور خود اپنے نفسوں پر ظلم کرتے ہیں _ راہ راست وہ پاتا ہے جسے اللہ ہدایت عطا کرے اور جنہیں اللہ گمراہ کرے وہ خسارے میں ہیں
سورۃ الاعراف(7)- آیات: 177، 178



غور و فكر
اور اگر ہم چاہتے تو ان( آیات) کے طفیل اس کا رتبہ بلند کرتے لیکن اس نے تو اپنے آپ کو زمین بوس کر دیا اور اپنی نفسانی خواہش کا تابعدار بن گیا تھا، لہٰذا اس کی مثال اس کتے کی سی ہو گئی کہ اگر تم اس پر حملہ کرو تو بھی زبان لٹکائے رہے اور چھوڑ دو تو بھی زبان لٹکائے رکھے، یہ ان لوگوں کی مثال ہے جو ہماری آیات کی تکذیب کرتے ہیں، پس آپ انہیں یہ حکایتیں سنا دیجیے کہ شاید وہ فکر کریں
سورۃ الاعراف(7)- آیت: 176

مکمل تحریر >>

تیرواں: انمول موتی

حق کی طرف رہنمائی کرنے والا
کہدیجیے: کیا تمہارے شریکوں میں سے کوئی ایسا ہے جو حق کی طرف ہدایت کرے؟ کہدیجیے: حق کی طرف صرف اللہ ہدایت کرتا ہے تو پھر (بتاؤکہ ) جو حق کی راہ دکھاتا ہے وہ اس بات کا زیادہ حقدار ہے کہ اس کی پیروی کی جائے یاوہ جو خود اپنی راہ نہیںپاتا جب تک اس کی رہنمائی نہ کی جائے ؟ تمہیں کیا ہو گیا ہے تم کیسے فیصلے کر رہے ہو؟
سورۃ یونس (11)- آیت: 35



اُلٹی راه
کہدیجیے: کیا تمہارے شریکوں میں سے کوئی ایسا ہے جو تخلیق کی ابتدا بھی کرتا ہو پھر اسے دوبارہ بھی پیدا کرے؟ کہدیجیے: اللہ تخلیقکی ابتدا بھی کرتا ہے پھر اسے دوبارہ بھی پیدا کرے گا، پھر تم کدھر الٹے جا رہے ہو
سورۃ یونس (11)- آیت: 34



کاموں کی تدبیر کرنے والا
کہ دیجیے: تمہیں آسمان اور زمین سے رزق کون دیتا ہے؟سماعت اور بصارت کا مالک کون ہے؟ اور کون ہے جو بے جان سے جاندار کو پیدا کرتا ہے اور جاندار سے بے جان کو پیدا کر تاہے؟ اور کون امور (عالم ) کی تدبیر کر رہا ہے؟ پس وہ کہیں گے: اللہ، پس کہ دیجیے: تو پھر تم بچتے کیوں نہیں ہو؟
سورۃ یونس (11)- آیت: 31



عذاب
اور جنہوں نے برائیوں کا ارتکاب کیا ہے تو بدی کی سزا بھی ویسی ہی (بدی) ہے اور ان پر ذلت چھائی ہوئی ہو گی، انہیں اللہ سے بچانے والا کوئی نہ ہو گا گویا ان کے چہرے پر تاریک رات کے سیاہ (پردوں کے) ٹکڑے پڑے ہوئے ہوں، یہ جہنم والے ہیں، اس میں یہ ہمیشہ رہیں گے.
سورۃ یونس (11)- آیت: 27



سیدها راستہ
اللہ (تمہیں) سلامت کدے کی طرف بلاتا ہے اور جسے وہ چاہتا ہے صراط مستقیم کی ہدایت فرماتا ہے - جنہوں نے نیکی کی ہے ان کے لیے نیکی ہے اور مزید بھی، ان کے چہروںپر نہ سیاہ دھبہ ہو گا اور نہ ذلت (کے آثار)، یہ جنت والے ہیں جو اس میں ہمیشہ رہیں گے
سورۃ یونس (11)- آیات: 25، 26



دنیا کی زندگی
دنیا وی زندگی کی مثال یقینا اس پانی کی سی ہے جسے ہم نے آسمان سے برسایا جس سے زمین کی نباتات گھنی ہو گئیں جن میں سے انسان اور جانور سب کھاتے ہیں پھر جب زمین سبزے سے خوشنما اور آراستہ ہو گئی اور زمین کے مالک یہ خیال کرنے لگے کہ اب وہ اس پر قابو پا چکے ہیں تو (ناگہاں) رات کے وقت یا دن کے وقت اس پر ہمارا حکم آ پڑا تو ہم نے اسے کاٹ کر ایسا صاف کر ڈالا کہ گویا کل وہاں کچھ بھی موجود نہ تھا، غور و فکر سے کام لینے والوں کے لیے ہم اپنی نشانیاںاس طرح کھول کر بیان کرتے ہیں
سورۃ یونس (11)- آیت: 24



سرکشی کا وبال
پھر جب خدا نے انہیں بچا لیا تو یہ لوگ زمین میں ناحق بغاوت کرنے لگے، اے لوگو یہ تمہاری بغاوت خود تمہارے خلاف ہے، دنیا کے چند روزہ مزے لے لو پھر تمہیں ہماری طرف پلٹ کر آناہے پھر اس وقت ہم تمہیں بتادیں گے کہ تم کیاکرتے رہے ہو
سورۃ یونس (11)- آیت: 23



طوفان
وہی تو ہے جو تمہیں خشکی اور سمندر میں چلاتا ہے، چنانچہ جب تم کشتیوں میں سوار ہوتے ہو اور وہ لوگوں کو لے کر باد موافق کی مدد سے چلتی ہیں اور وہ اس سے خوش ہوتے ہیں اتنے میں کشتی کو مخالف تیز ہوا کا تھپیڑا لگتا ہے اور ہر طرف سے موجیں ان کی طرف آنے لگتی ہیں اور وہ خیال کرتے ہیں کہ (طوفان میں) گھر گئے ہیں تو اس وقت وہ اپنے دین کو اللہ کے لیے خالص کر کے اس سے دعا کرتے ہیں کہ اگر تو نے ہمیں اس مصیبت سے بچایا تو ہم ضرور بالضرور شکر گزاروں میں سے ہوں گے
سورۃ یونس (11)- آیت: 22



ناشکرے لوگ
اور جب انہیں پہنچنے والے مصائب کے بعد ہم لوگوں کو اپنی رحمت کا ذائقہ چکھاتے ہیں تو وہ ہماری آیات کے بارے میں حیلے بازیاں شروع کر دیتے ہیں، کہدیجیے: اللہ کا حیلہ تم سے زیادہ تیزہے، بیشک ہمارے فرشتے تمہاری حیلے بازیاں لکھ رہے ہیں.
سورۃ یونس (11)- آیت: 21



مجرموں کو فلاح نہیں ہو گی
پس اس شخص سے بڑ ھ کر ظالم کون ہو سکتاہے جو اللہ پر جھوٹ بہتان باندھے یا اس کی آیات کی تکذیب کرے؟ مجرم لوگ یقینا فلاح نہیں پائیں گے -اور یہ لوگ اللہ کو چھوڑ کر ان کی پرستش کرتے ہیں جو نہ انہیں ضرر پہنچا سکتے ہیں اور نہ انہیں کوئی فائدہ دے سکتے ہیں اور (پھربھی)کہتے ہیں: یہ اللہ کے پاس ہماری شفاعت کرنے والے ہیں، کہدیجیے: کیا تم اللہ کو اس بات کی خبر دیتے ہو جو اللہ کو نہ آسمانوں میں معلوم ہے اور نہ زمین میں؟ وہ پاک و بالاتر ہے اس شرک سے جو یہ لوگ کر رہے ہیں
سورۃ یونس (11)- آیات: 17، 18



ظلم اور سزا
اور بتحقیق تم سے پہلی قوموں کو بھی ہم نے اس وقت ہلاک کیا جب وہ ظلم کے مرتکب ہوئے اور ان کے رسول واضح دلائل لے کر ان کے پاس آئے مگر وہ ایسے نہ تھے کہ ایمان لاتے، ہم مجرموں کو ایسے ہی سزا دیتے ہیں - پھر ان کے بعد ہم نے زمین میں تمہیں جانشین بنایا تاکہ ہم دیکھیں کہ تم کیسے عمل کرتے ہو
سورۃ یونس (11)- آیات: 13، 14



بے حس انسان
اور انسان کو جب کوئی تکلیف پہنچتی ہے تو وہ لیٹے، بیٹھے اور کھڑے ہمیں پکارتا ہے پھر جب ہم اس سے تکلیف دور کردیتے ہیں تو ایسا چل دیتا ہے گویا اس نے کسی تکلیف پر جو اسے پہنچی ہمیں پکارا ہی نہیں، حد سے تجاوز کرنے والوں کے لیے ان کے اعمال اسی طرح خوشنما بنا دیے گئے ہیں
سورۃ یونس (11)- آیت: 12



ایمان والوں کی منزل
جو لوگ ایمان لائے اور نیک اعمال بجا لائے بے شک ان کا رب ان کے ایمان کے سبب انہیں نعمتوں والی جنتوں کی راہ دکھائے گا جن کے نیچے نہریں بہتی ہوں گی - جہاں ان کی صدا سبحانک اللھم (اے اللہ تیری ذات پاک ہے) اور وہاںان کی تحیت سلام ہو گی اور ان کی دعا کا خاتمہ الحمد للّہ رب العالمین ہو گا
سورۃ یونس (11)- آیات: 9، 10



غافل لوگ
بے شک جو لوگ ہم سے ملنے کی توقع نہیں رکھتے اور دنیاوی زندگی ہی پر راضی ہیں اور اسی میں اطمینان محسوس کرتے ہیں اور جو لوگ ہماری نشانیوں سے غفلت برتتے ہیں- ان کا ٹھکانا جہنم ہے ان اعمال کی پاداش میں جن کا یہ ارتکاب کرتے رہتے ہیں
سورۃ یونس (11)- آیات: 7، 8



الله کی نشانیاں
وہی توہے جس نے سورج کو روشن کیا اور چاند کو چمک دی اور اس کی منزلیں بنائیں تاکہ تم برسوں کی تعداد اور حساب معلوم کر سکو، اللہ نے یہ سب کچھ صرف حق کی بنیاد پر خلق کیا ہے، وہ صاحبان علم کے لیے اپنی آیات کھول کر بیان کرتا ہے
سورۃ یونس (11)- آیت: 5



انصاف کے ساتھ جزا
تم سب کی بازگشت اسی کی طرف ہے، اللہ کا وعدہ حق پر مبنی ہے، وہی خلقت کی ابتدا کرتا ہے پھر وہی اسے دوبارہ پیدا کرے گا تاکہ جو لوگ ایمان لائے اور نیک اعمال بجا لائے انہیں انصاف کے ساتھ جزا دے اور جو کافر ہوئے انہیں اپنے کفر کی پاداش میں کھولتا ہوا پانی پینا ہو گااور انہیں دردناک عذاب (بھی) بھگتنا ہو گا
سورۃ یونس (11)- آیت: 34



حقیقی رب
یقینا تمہارا رب وہ اللہ ہے جس نے آسمانوں اور زمین کوچھ دنوں میں پیدا کیا پھر اس نے عرش پر اقتدار قائم کیا، وہ تمام امور کی تدبیر فرماتا ہے، اس کی اجازت کے بغیر کوئی شفاعت کرنے والا نہیں ہے، یہی اللہ تو تمہارا رب ہے پس اس کی عبادت کرو، کیا تم نصیحت نہیں لیتے؟
سورۃ یونس (11)- آیت: 3



الله کی حکومت
آسمانوں اور زمین کی سلطنت یقینا اللہ ہی کے لیے ہے، زندگی بھی وہی دیتا ہے اور موت بھی اور اللہ کے سوا تمہارا نہ کوئی کارساز ہے اور نہ مددگار
سورۃ التوبہ (10)- آیت: 116



الله ہر چیز کا علم رکهتا ہے
اور اللہ کسی قوم کو ہدایت دینے کے بعد گمراہ نہیں کرتا یہاں تک کہ ان پر یہ واضح کر دے کہ انہیں کن چیزوں سے بچنا ہے، بتحقیق اللہ ہر چیز کا خوب علم رکھتا ہے
سورۃ التوبہ (10)- آیت: 115



مومنین کی صفات
(یہ لوگ) توبہ کرنے والے، عبادت گزار، ثنا کرنے والے، (راہ خدا میں) سفر کرنے والے، رکوع کرنے والے، سجدہ کرنے والے، نیکی کی دعوت دینے والے اور برائی سے روکنے والے اور حدود اللہ کی حفاظت کرنے والے ہیں اور (اے رسول) مومنین کو خوشخبری سنا دیجیے
سورۃ التوبہ (10)- آیت: 112

جنّت کا وعده
یقینا اللہ نے مومنوں سے ان کی جانیں اور ان کے اموال جنت کے عوض خرید لیے ہیں، وہ اللہ کی راہ میں لڑتے ہیں پھر مارتے ہیں اور مارے جاتے ہیں، یہ توریت و انجیل اور قرآن میں ان کے ذمے پکا وعدہ ہے اور اللہ سے بڑھ کر اپنا عہدپورا کرنے والا کون ہو سکتا ہے؟ پس تم نے اللہ کے ساتھ جو سودا کیا ہے اس پرخوشی مناؤ اور یہ تو بہت بڑی کامیابی ہے
سورۃ التوبہ (10)- آیت: 111



منافقین کو معاف نہیں کیا جائے گا
(اے رسول) آپ ایسے لوگوں کے لیے مغفرت کی دعا کریں یا دعا نہ کریں (مساوی ہے) اگر ستر بار بھی آپ ان کے لیے مغفرت طلب کریں تو بھی اللہ انہیں ہرگز معاف نہیں کرے گا، یہ اس لیے کہ انہوں نے اللہ اور اس کے رسول کے ساتھ کفر کیا ہے اور اللہ فاسقین کو ہدایت نہیں دیتا
سورۃ التوبہ (10)- آیت: 80



مذاق اڑانے کا بدلہ
کیا انہیں معلوم نہیں کہ اللہ ان کے پوشیدہ رازوں اور سرگوشیوں سے بھی واقف ہے اور یہ کہ اللہ غیب کی باتوں سے بھی خوب آگاہ ہے؟ جو لوگ ان مومنوں کا مذاق اڑاتے ہیں جو برضا و رغبت خیرات کرتے ہیں اور جنہیں اپنی محنت و مشقت کے سوا کچھ بھی میسر نہیں ان پر ہنستے بھی ہیں، اللہ ان کا مذاق اڑاتا ہے اور ان کے لیے دردناک عذاب ہے
سورۃ التوبہ (10)- آیات: 78-79



بد عہدی
اور ان میں کچھ ایسے بھی ہیں جنہوں نے اللہ سے عہد کر رکھا تھا کہ اگر اللہ نے ہمیں اپنے فضل سے نوازا تو ہم ضرور خیرات کیا کریں گے اور ضرور نیک لوگوں میں سے ہو جائیں گے - لیکن جب اللہ نے انہیں اپنے فضل سے نوازا تو وہ اس میں بخل کرنے لگے اور (عہد سے) روگردانی کرتے ہوئے پھر گئے - پس اللہ نے ان کے دلوں میں اپنے حضور پیشی کے دن تک نفاق کو باقی رکھا کیونکہ انہوں نے اللہ کے ساتھ بدعہدی کی اور وہ جھوٹ بولتے رہے
سورۃ التوبہ (10)- آیات: 75-77



الله کی رحمت
اور مومن مرد اور مومنہ عورتیں ایک دوسرے کے بہی خواہ ہیں، وہ نیک کاموں کی ترغیب دیتے ہیں اوربرائی سے روکتے ہیں اور نماز قائم کرتے ہیں اور زکوٰۃ ادا کرتے ہیںاور اللہ اور اس کے رسول کی اطاعت کرتے ہیں یہی وہ لوگ ہیں جن پر اللہ رحم فرمائے گا، بے شک اللہ بڑا غالب آنے والا، حکمت والا ہے
سورۃ التوبہ (10)- آیت: 71



منافق لوگ
منافق مرد اور عورتیں آپس میں ایک ہی ہیں، وہ برے کاموں کی ترغیب دیتے ہیں اور نیکی سے منع کرتے ہیں اور اپنے ہاتھ روکے رکھتے ہیں، انہوں نے اللہ کو بھلا دیا تو اللہ نے بھی انہیں بھلا دیا ہے، بے شک منافقین ہی فاسق ہیں
سورۃ التوبہ (10)- آیت: 67



صداقت
یہ صدقات تو صرف فقیروں، مساکین اور صدقات کے کام کرنے والوں کے لیے ہیں اور ان کے لیے جن کی تالیف قلب مقصود ہو اور غلاموں کی آزادی اور قرضداروں اور اللہ کی راہ میں اور مسافروں کے لیے ہیں، یہ اللہ کی طرف سے ایک مقرر حکم ہے اور اللہ خوب جاننے والا، حکمت والا ہے
سورۃ التوبہ (10)- آیت: 60



الله کی راه میں نکلو
اے ایمان والو ! تمہیں کیا ہواہے کہ جب تم سے کہا جاتا ہے اللہ کی راہ میں نکلو تو تم زمین سے چمٹ جاتے ہو؟ کیا تم آخرت کی جگہ دنیاوی زندگی کو زیادہ پسند کرتے ہو؟ دنیاوی زندگی کی متاع تو آخرت کے مقابلے میں بہت کم ہے
سورۃ التوبہ (10)- آیت: 38



باره مہینے
کتاب خدا میں مہینوں کی تعداد االلہ کے نزدیک یقینا بارہ مہینے ہے جب سے اللہ نے آسمانوں اور زمین کو پیدا کیا ہے ان میں سے چار مہینے حرمت کے ہیں، یہی مستحکم دین ہے، لہٰذا ان چار مہینوں میں تم اپنے آپ پر ظلم نہ کرو اور تم، سب مشرکین سے لڑو جیساکہ وہ تم سب سے لڑتے ہیں اور جان لو کہ اللہ تقویٰ والوں کے ساتھ ہے
سورۃ التوبہ (10)- آیت: 36



دولت کا مزه چکهو
جس روز وہ مال آتش جہنم میں تپایا جائے گا اور اسی سے ان کی پیشانیاں اور پہلو اور پشتیں داغی جائیں گی (اور ان سے کہا جائے گا) یہ ہے وہ مال جو تم نے اپنے لیے ذخیرہ کر رکھا تھا، لہٰذا اب اسے چکھو جسے تم جمع کیا کرتے تھے
سورۃ التوبہ (10)- آیت: 35

مکمل تحریر >>

بارواں: انمول موتی

کڑکتی ہوئی بجلیاں
اور (بجلی کی) گرج اس کی ثنا کے ساتھ اور فرشتے اس کے خوف سے (لرزتے ہوئے) تسبیح کرتے ہیں اور وہی بجلیوں کو روانہ کرتا ہے پھر جس پر چاہتا ہے گراتاہے جب وہ اللہ کے بارے میں الجھ رہے ہوتے ہیں اور وہ سخت طاقت والا ہے
سورۃ رعد (14)- آیت: 13



خوف اور امیدیں
وہی ہے جو تمہیں ڈرانے اور امید دلانے کے لیے بجلی کی چمک دکھاتا ہے اور بھاری بادلوں کو پیدا کرتا ہے
سورۃ رعد (14)- آیت: 12



مصیبت
ہر شخص کے آگے اور پیچھے یکے بعد دیگرے آنے والے پہرے دار ( فرشتے) مقرر ہیں جو بحکم خدا اس کی حفاظت کرتے ہیں، اللہ کسی قوم کا حال یقینا اس وقت تک نہیں بدلتا جب تک وہ خود اپنی حالت کو نہ بدلے اور جب اللہ کسی قوم کو برے حال سے دوچار کرنے کا ارادہ کر لے تو اس کے ٹلنے کی کوئی صورت نہیںہوتی اور نہ ہی اللہ کے سوا ان کا کوئی مددگار ہوتا ہے
سورۃ رعد (14)- آیت: 11



باتر رہنے والا
(وہ ) پوشیدہ اور ظاہر چیزوں کا جاننے والا بزرگ برتر ہے - تم میں سے کوئی آہستہ بات کرے یا آواز سے اور کوئی پردہ شب میں چھپا ہوا ہو یا دن کی روشنی میں (سرعام) چل رہا ہو (اس کے لیے) برابر ہے
سورۃ رعد (14)- آیات: 9، 10



رب سے کفر کرنے والے
اور اگر آپ کو تعجب ہوتا ہے توان (کفار) کی یہ بات تعجب خیز ہے کہ جب ہم خاک ہو جائیں گے تو کیا ہم نئی پیدائش میں ہوں گے؟ یہ وہ لوگ ہیں جو اپنے رب کے منکر ہو گئے ہیں اور یہی وہ لوگ ہیں جن کی گردنوں میںطوق پڑے ہوئے ہیں اور یہی جہنم والے ہیں جس میں یہ ہمیشہ رہیں گے
سورۃ رعد (14)- آیت: 5



نشانیاں
اور زمین میں باہم متصل ٹکڑے ہیں اور انگوروں کے باغات ہیں نیز کھیتیاں اور کھجور کے درخت ہیں جن میں سے کچھ دوہرے تنے کے ہوتے ہیںاورکچھ دوہرے نہیں ہوتے، سب کو ایک ہی پانی سے سیراب کیا جاتا ہے لیکن پھلوں میں (لذت میں) ہم بعض کو بعض سے بہتر بناتے ہیں، عقل سے کام لینے والوں کے لیے یقینا ان چیزوں میں نشانیاں ہیں
سورۃ رعد (14)- آیت: 4



زمین، پہاڑ اور دریا
اور وہی ہے جس نے زمین کو پھیلایا اور اس میں پہاڑ اور دریا بنائے اور ہر طرح کے پھلوں کے دو جوڑے بنائے، وہی رات سے دن کو ڈھانپ دیتا ہے، غور و فکر کرنے والوں کے لیے یقینا اس میں نشانیاں ہیں
سورۃ رعد (14)- آیت: 3



الله کی تدبیر
اللہ وہ ذات ہے جس نے آسمانوں کو تمہیں نظر آنے والے ستونوں کے بغیر بلند کیا پھر اس نے عرش پر سلطنت استوار کی اور سورج اور چاند کو مسخر کیا، ان میں سے ہر ایک مقررہ مدت کے لیے چل رہا ہے، وہی امور کی تدبیر کرتاہے وہی نشانیوں کو تفصیل سے بیان کرتا ہے شاید تم اپنے رب کی ملاقات کا یقین کرو
سورۃ رعد (14)- آیت: 2



ہدایت و رحمت
بتحقیق ان (رسولوں) کے قصوں میں عقل رکھنے والوںکے لیے عبرت ہے، یہ (قرآن) گھڑی ہوئی باتیں نہیں بلکہ اس سے پہلے آئے ہوئے کلام کی تصدیق ہے اور ایمان لانے والوں کے لیے ہدایت و رحمت ہے
سورۃ یوسف (13)- آیت: 111



آخرت کا گهر
اور آپ سے پہلے ہم ان بستیوں میں صرف مردوں ہی کو بھیجتے رہے ہیں جن کی طرف ہم وحی بھیجتے تھے، تو کیا یہ لوگ روئے زمین پر چل پھر کر نہیں دیکھتے کہ ان سے پہلے والوں کا انجام کیا ہوا؟ اور اہل تقویٰ کے لیے تو آخرت کا گھر ہی بہتر ہے، کیا تم عقل سے کام نہیں لیتے؟
سورۃ یوسف (13)- آیت: 109



الله پاک ہے
کیا یہ لوگ اس بات سے بے فکر ہیں کہ اللہ کی طرف سے کوئی عذاب انہیں گھیر لے یا ناگہاں قیامت کی گھڑی آ جائے اور انہیں خبر تک نہ ہو؟ - کہ دیجیے:یہی میرا راستہ ہے، میں اور میرے پیروکار، پوری بصیرت کے ساتھ اللہ کی طرف دعوت دیتے ہیں اور پاکیزہ ہے اللہ اور میں شرک کرنے والوں میں سے نہیں ہوں
سورۃ یوسف (13)- آیت: 107، 108



نشانیاں
اور آسمانوں اور زمین میں کتنی ہی نشانیاں ہیں جن پر سے یہ لوگ بغیر اعتنا کے گزر جاتے ہیں - ان میں سے اکثر لوگ اللہ پر ایمان لائے بھی ہیں تو اس کے ساتھ شرک بھی کرتے ہیں
سورۃ یوسف (13)- آیت: 105، 106



ظالموں پر الله کی لعنت
اور اس شخص سے بڑھ کر ظالم کون ہو گا جو اللہ پر جھوٹ افترا کرتا ہے، ایسے لوگ اپنے رب کے حضور پیش کیے جائیں گے اور گواہ کہیں گے: یہی لوگ ہیں جنہوں نے اپنے رب پر جھوٹ بولا تھا، خبردار! ظالموں پراللہ کی لعنت ہے - جو لوگوں کو اللہ کے راستے سے روکتے ہیں اور اس میں کجی لانا چاہتے ہیں اور یہی لوگ آخرت کے منکر ہیں
سورۃ هود (12)- آیات: 18، 19



دنیا کی زندگی
جو دنیوی زندگی اور اس کی زینت کے طالب ہوتے ہیں ان کی محنتوں کا معاوضہ ہم انہیں دنیا ہی میں دے دیتے ہیںاور ان کے لیے اس میںکمی نہیں کی جائے گی - ایسے لوگوں کے لیے آخرت میں آتش کے سوا کچھ نہ ہو گا اور وہاں ان کے عمل برباد اور ان کا کیا دھرا سب نابود ہو جائے گا
سورۃ هود (12)- آیت: 15، 16



حقیقی معبود
کیا یہ کہتے ہیں کہ اس نے (قرآن کو) خود بنایا ہے؟ کہدیجیے: اگر تم سچے ہو تو اس جیسی خود ساختہ دس سورتیں بنا لاؤ اور اللہ کے سوا جس جس کوبلا سکتے ہو بلا لاؤ. پھر اگر وہ تمہاری مدد کو نہ پہنچیں تو جان لو کہ یہ اللہ کے علم سے نازل ہوا ہے اور یہ کہ اللہ کے سوا کوئی معبود نہیں، کیا تم اس بات کو تسلیم کرنے والے ہو؟
سورۃ هود (12)- آیت: 13، 14



رحمت کا مزا
اور اگر ہم انسان کو اپنی رحمت سے نوازنے کے بعد وہ نعمت اس سے چھین لیں تو بیشک وہ ناامید اور ناشکرا ہو جاتا ہے - اور اگر ہم اسے تکلیفوں کے بعد نعمتوں سے نوازتے ہیں تو ضرور کہ اٹھتا ہے: سارے دکھ مجھ سے دور ہو گئے،بیشک وہ خوب خوشیاں منانے اور اکڑنے لگتا ہے - البتہ صبر کرنے والے اور نیک اعمال بجا لانے والے ایسے نہیں ہیں ان کے لیے مغفرت اور بڑا اجر ہے
سورۃ هود (12)- آیات: 9 تا 11



الله کی عبادت
پھر ہم اپنے رسولوں اور ایمان والوں کو نجات دیں گے، یہ بات ہمارے ذمے ہے کہ ہم مومنین کو نجات دیں
سورۃ یونس (11)- آیت: 104



نجات
کہ دیجیے: آسمانوں اور زمین میں نظر ڈالو کہ ان میں کیاکیا چیزیں ہیں اور جو قوم ایمان لانا ہی نہ چاہتی ہو اس کے لیے آیات اور تنبیہیں کچھ کام نہیں دیتیں - اب یہ لوگ اس کے سوا کس کے انتظار میں ہیں کہ اس طرح کے برے دن دیکھیں جو ان سے پہلے کے لوگ دیکھ چکے ہیں؟ کہدیجیے: پس تم انتظار کرو میں بھی تمہارے ساتھ انتظار کرنے والوں میں ہوں
سورۃ یونس (11)- آیت: 102، 103



سخت عذاب
کہ دیجیے: جو اللہ پر جھوٹ بہتان باندھتے ہیں وہ یقینا فلاح نہیں پائیں گے - یہ دنیا کی عیش ہے پھر انہیں ہماری طرف لوٹ کر آنا ہے پھر ہم انہیں شدید عذاب چکھائیں گے اس کفر کی پاداش میں جس کے وہ مرتکب رہے ہیں
سورۃ یونس (11)- آیات: 69، 70



توحید کے دلائل
اللہ ہی ہے جس نے تمہارے لیے رات بنائی تاکہ اس میں تم آرام کرو اور دن کو روشن بنایا، بتحقیق سننے والوں کے لیے اس میں نشانیاں ہیں
سورۃ یونس (11)- آیت: 67



قیاس آرائیاں
آگاہ رہو! جو کچھ آسمانوں اور زمین میں ہے یقینا سب اللہ کی ملکیت ہے اور جو لوگ اللہ کے سوا دوسرے شریکوں کو پکارتے ہیں وہ کسی چیز کے پیچھے نہیں چلتے بلکہ صرف ظن کے پیچھے چلتے ہیں اور وہ فقط اندازوں سے کام لیتے ہیں
سورۃ یونس (11)- آیت: 66



بڑی کامیابی
سنو!جو اولیاء اللہ ہیں انہیں نہ کوئی خوف ہو گا اور نہ وہ رنجیدہ ہوں گے - جو ایمان لائے اور تقویٰ پر عمل کیا کرتے تھے - ان کے لیے دنیا کی زندگی میں بھی بشارت ہے اور آخرت میں بھی، اللہ کے کلمات میں تبدیلی نہیں آ سکتی، یہی بڑی کامیابی ہے
سورۃ یونس (11)- آیات: 62 تا 64



نصیحت
اے لوگو! تمہارے پروردگار کی طرف سے (یہ قرآن) تمہارے پاس نصیحت اور تمہارے دلوں کی بیماری کے لیے شفا اور مومنین کے لیے ہدایت اور رحمت بن کر آیا ہے - کہدیجیے: اللہ کے اس فضل اور اس کی اس رحمت کو پا کر لوگوں کو خوش ہونا چاہیے کیونکہ یہ اس (مال و متاع) سے بہتر ہے جسے لوگ جمع کرتے ہیں
سورۃ یونس (11)- آیات: 57، 58



الله کا وعده سچّا ہے
آگاہ رہو! آسمانوں اور زمین میں جو کچھ ہے یقینا وہ اللہ کی ملکیت ہے، اس بات پر بھی آگاہ رہو کہ اللہ کا وعدہ سچا ہے لیکن اکثر لوگ نہیں جانتے - وہی زندگی دیتا ہے اور وہی موت اور اسی کی طرف تم سب پلٹائے جاؤ گے
سورۃ یونس (11)- آیات: 55، 56



انصاف سے فیصلہ
اور جس جس نے ظلم کیا ہے اگر اس کے پاس روئے زمین کی دولت بھی ہو تب بھی وہ (عذاب سے بچنے کے لیے یہ پوری دولت) فدیہ دینے پر آمادہ ہو جائے گا اور جب عذاب کا مشاہدہ کریں گے تو دل ہی دل میںپشیمان ہوں گے اور ان کے درمیان انصاف کے ساتھ فیصلہ ہو گا اور ان پر ظلم نہیں کیا جائے گا
سورۃ یونس (11)- آیت: 54



گهڑی بهر کی زندگی
اللہ یقینا لوگوں پر ذرہ برابر ظلم نہیں کرتا بلکہ یہ لوگ ہیں جو اپنے آپ پر ظلم کرتے ہیں - اور جس (قیامت کے) دن اللہ انہیں جمع کرے گا تو (دنیاکی زندگی یوں لگے گی) گویا وہ دن کی ایک گھڑی بھر سے زیادہ یہاں نہیں رہے وہ آپس میں ایک دوسرے کو پہچان لیں گے، جنہوں نے اللہ سے ملاقات کو جھٹلایا وہ خسارے میں رہے اور وہ ہدایت یافتہ نہ تھے
سورۃ یونس (11)- آیات: 44، 45



مفسدوں کی پہچان
اور ان میں سے کچھ ایسے ہیں جو اس پر ایمان لاتے ہیں اور کچھ ایسے ہیں جو ایمان نہیں لاتے اور آپ کا پروردگار ان مفسدوں کو خوب جانتا ہے - اور اگر یہ لوگ آپکو جھٹلائیں تو کہدیجیے: میرا عمل میرے لیے ہے اور تمہارا عمل تمہارے لیے، تم میرے عمل سے بری ہو اور میں تمہارے عمل سے بری ہوں.
سورۃ یونس (11)- آیات: 40، 41



ظالموں کا انجام
بلکہ (حقیقت یہ ہے کہ) انہوں نے اس چیز کو جھٹلایا جو ان کے احاطہ علم میں نہیں آئی اور ابھی اس کا انجام بھی ان کے سامنے نہیں کھلا، اسی طرح ان سے پہلوں نے بھی جھٹلایا تھا، پھر دیکھ لو ان ظالموں کا کیا انجام ہوا
سورۃ یونس (11)- آیت: 39



ایک سورۃ
کیا یہ لوگ کہتے ہیں کہ اس قرآن کو (محمدنے) از خود بنایاہے؟ کہدیجیے: اگر تم (اپنے الزام میں) سچے ہو تو تم بھی اس طرح کی ایک سورت بنا لاؤ اور اللہ کے سوا جسے تم بلا سکتے ہو بلا لاؤ
سورۃ یونس (11)- آیت: 38



قیاس و گمان کی پیروی
ان میں سے اکثر محض ظن کی پیروی کرتے ہیں جب کہ ظن انسان کو حق (کی ضرورت) سے ذرہ برابر بے نیاز نہیں کرتا، اللہ ان کے اعمال سے خوب آگاہی رکھتا ہے - اور ایسا نہیں ہو سکتا کہ اس قرآن کو اللہ کے سوا کوئی اور اپنی طرف سے بنا لائے بلکہ یہ تو اس سے پہلے جو (کتاب) آ چکی ہے اسکی تصدیق ہے اور تمام (آسمانی) کتابوں کی تفصیل ہے، اس میں کوئی شبہ نہیں کہ یہ رب العالمین کی طرف سے ہے
سورۃ یونس (11)- آیات: 36، 37

مکمل تحریر >>

گیارواں: انمول موتی

مجرم لوگ
مجرم اپنے چہروں سے پہچانے جائیں گے پھر وہ پیشانیوں اور پیروں سے پکڑے جائیں گے - پس تم دونوں اپنے رب کی کس کس نعمت کو جھٹلاؤ گے؟ یہ وہی جہنم ہے جسے مجرمین جھٹلاتے تھے . وہ جہنم اور کھولتے ہوئے انتہائی گرم پانی کے درمیان گردش کرتے رہیں گے
سورة الرحمن (56) آیات: 44-41



الله کی گرفت
اے گروہ جن و انس ! اگر تم آسمانوں اور زمین کی سرحدوں سے نکلنے کی استطاعت رکھتے ہو تو نکل جاؤ، تم سلطنت و قہاریت کے بغیر نہیں نکل سکو گے . پس تم دونوں اپنے رب کی کس کس نعمت کو جھٹلاؤ گے؟ تم دونوں پر آگ کے شعلے اور چنگاریاں چھوڑی جائیں گی، پھر تم کامیاب نہیں رہو گے.
سورة الرحمن (56) آیات: 35-33



جلال والا، عظمت والا
اور سمندر میں چلنے والے پہاڑوں کی طرح بلند جہاز اسی کے ہیں . پس تم دونوں اپنے رب کی کس کس نعمت کو جھٹلاؤ گے؟ روئے زمین پر موجود ہر چیز فنا ہونے والی ہے . اور صرف آپ کے صاحب عزت و جلال رب کی ذات باقی رہنے والی ہے
سورة الرحمن (56) آیات: 27-24



سمندروں کا پانی
اسی نے دو سمندروں کو جاری کیا کہ آپس میں مل جائیں، اہم ان دونوں کے درمیان ایک آڑ ہے جس سے وہ تجاوز نہیں کرتے پس تم دونوں اپنے رب کی کس کس نعمت کو جھٹلاؤ گے؟
سورة الرحمن (56) آیات: 21-19



الله کی نعمتیں
اور اسی نے مخلوقات کے لیے اس زمین کو بنایا ہے - اس میں میوے اور خوشے والے کھجور کے درخت ہیں - اور بھوسے والا اناج خوشبو والے پھول ہیں - پس (اے جن و انس !) تم دونوں اپنے رب کی کس کس نعمت کو جھٹلاؤ گے؟
سورة الرحمن (56) آیات: 13-10



میزان
اور اسی نے اس آسمان کو بلند کیا اور ترازو قائم کی_ تاکہ تم ترازو (کے ساتھ تولنے) میں تجاوز نہ کرو _ اور انصاف کے ساتھ وزن کو درست رکھو اور تول میںکمی نہ کرو
سورة الرحمن (56) آیات: 9_7



زمین اور پہاڑ
اور زمین کو ہم نے پھیلایا اور اس میں پہاڑ گاڑ دیے اور ہم نے زمین میں معینہ مقدار کی ہرچیز اگائی - اور ہم نے تمہارے لیے زمین میں سامان زیست فراہم کیا اور ان مخلوقات کے لیے بھی جن کی روزی تمہارے ذمے نہیں ہے
سورۃ الحجر (16)- آیات: 20-19



آسمان اور ستارے
اور بتحقیق ہم نے آسمانوں میں نمایاں ستارے بنا دیے اور دیکھنے والوں کے لیے انہیں زیبائی بخشی - اور ہم نے ہر شیطان مردود سے انہیں محفوظ کر دیا ہے - ہاں اگر کوئی چوری چھپے سننے کی کوشش کرے تو ایک چمکتا ہو اشعلہ اس کا پیچھا کرتا ہے
سورۃ الحجر (16)- آیات: 16-18



مذاق
اور بتحقیق ہم نے آپ سے پہلے بھی گزشتہ قوموں میں رسول بھیجے ہیں- اور ان کے پاس کوئی رسول ایسا نہیں آیا جس کا انہوں نے استہزاء نہ کیا ہو - اسی طرح ہم اس ذکر کو مجرموں کے دلوں میں سے گزارتے ہیں- کہ وہ اس (رسول) پر ایمان نہیں لائیں گے اور بے شک پہلوں کی روش بھی یہی رہی ہے
سورۃ الحجر (16)- آیات: 13-10



تارکول کا لباس
اس دن آپ مجرموں کو ایک ساتھ زنجیروں میں جکڑا ہوا دیکھیں گے - ان کے لباس گندھک کے ہوں گے اور آگ ان کے چہروں پر چھائی ہوئی ہو گی - تاکہ اللہ ہر نفس کو اس کے عمل کی جزا دے، اللہ یقینا بہت جلد حساب کرنے والا ہے
سورۃ ابراہیم (15)- آیات: 51-49



پورا بدلہ لینے والا
پس آپ ہرگز یہ خیال نہ کریں کہ اللہ اپنے رسولوں سے وعدہ خلافی کرے گا، اللہ یقینا بڑا غالب آنے والا، انتقام لینے والا ہے - یہ (انتقام) اس دن ہوگا جب یہ زمین کسی اور زمین سے بدل دی جائے گی اور آسمان بھی اور سب خدائے واحد و قہار کے سامنے پیش ہوں گے
سورۃ ابراہیم (15)- آیات: 48-47



عذاب
اور لوگوں کو اس دن کے بارے میں تنبیہ کیجیے جس دن ان پر عذاب آئے گا تو ظالم لوگ کہیں گے: ہمارے رب ہمیں تھوڑی مدت کے لیے ڈھیل دے دے اب ہم تیری دعوت پر لبیک کہیں گے اور رسولوں کی اتباع کریں گے، (انہیں جواب ملے گا) کیا اس سے پہلے تم قسمیں نہیں کھاتے تھے کہ تمہارے لیے کسی قسم کا زوال و فنا نہیں ہے؟
سورۃ ابراہیم (15)- آیت: 44



مہلت
اور ظالم جو کچھ کر رہے ہیں آپ اس سے اللہ کو غافل تصور نہ کریں، اللہ نے بے شک انہیں اس دن تک مہلت دے رکھی ہے جس دن آنکھیں پھٹی کی پھٹی رہ جائیں گی - وہ سر اٹھائے دوڑرہے ہوں گے، ان کی نگاہیں خود ان کی طرف بھی لوٹ نہیں رہی ہوں گی اور ان کے دل (خوف کی وجہ) کھوکھلے ہوچکے ہو ں گے



ناشکر انسان
اور اسی نے ہمیشہ چلتے رہنے والے سورج اور چاند کو تمہارے لیے مسخر کیا اور رات اور دن کو بھی تمہارے لیے مسخر بنایا - اور اسی نے تمہیں ہر اس چیز میں سے دیا جو تم نے اس سے مانگی اور اگر تم اللہ کی نعمتوں کا شمار کرنا چاہو تو شمار نہ کر سکو گے، انسان یقینا بڑا ہی بے انصاف، ناشکرا ہے
سورۃ ابراہیم (15)- آیات: 33،34



زمین اور آسمان
اللہ ہی نے آسمانوں اور زمین کو پیدا کیا اور آسمان سے پانی برسایا پھر اس سے تمہارے روزی کے لیے پھل پیدا کیے اور کشتیوں کو تمہارے لیے مسخر کیا تاکہ اس کے حکم سے سمندر میںچلیں اور دریاؤں کو بھی تمہارے لیے مسخر کیا
سورۃ ابراہیم (15)- آیت: 32



کوئی دوست کام نہ آئے گا
میرے ایمان والے بندوں سے کہ دیجئے: نماز قائم کریں اور جو رزق ہم نے انہیں دیا ہے اس میں سے پوشیدہ اور علانیہ طور پر خرچ کریں، اس دن کے آنے سے پہلے جس میں نہ سودا ہو گااور نہ دوستی کام آئے گی
سورۃ ابراہیم (15)- آیت: 31



الله ظالموں کو بهٹکا دیتا ہے
اور کلمہ خبیثہ کی مثال اس شجرہ خبیثہ کی سی ہے جو زمین کی سطح سے اکھاڑ پھینکا گیا ہواور اس کے لیے کوئی ثبات نہ ہو - اللہ ایمان والوں کو دنیاوی زندگی میں بھی اور آخرت میں بھی قول ثابت پر قائم رکھتا ہے اور ظالموں کو گمراہ کر دیتا ہے اور اللہ اپنی مشیت کے مطابق عمل کرتا ہے
سورۃ ابراہیم (15)- آیات: 26، 27



کلمہ طیبّہ
کیا آپ نے نہیں دیکھا کہ اللہ نے کیسی مثال پیش کی ہے کہ کلمہ طیبہ شجرہ طیبہ کی مانند ہے جس کی جڑ مضبوط گڑی ہوئی ہے اور اس کی شاخیں آسمان تک پہنچی ہوئی ہیں؟ وہ اپنے رب کے حکم سے ہر وقت پھل دے رہا ہے اور اللہ لوگوں کے لیے مثالیں اس لیے دیتا ہے تاکہ لوگ نصیحت حاصل کریں
سورۃ ابراہیم (15)- آیات: 24، 25



دعا سلام
اور جو ایمان لائے اور نیک اعمال بجا لائے وہ ان جنتوں میںداخل کیے جائیں گے جن کے نیچے نہریں بہتی ہوںگی وہ اپنے رب کی اجازت سے ہمیشہ ان میں رہیں گے، وہاں (آپس میں) ان کی تحیت سلام ہو گی
سورۃ ابراہیم (15)- آیت: 23


 

شیطان کے جهوٹے وعدے
اور (قیامت کے دن) جب فیصلہ ہو چکے گا تو شیطان کہ اٹھے گا: اللہ نے تمہارے ساتھ یقینا سچا وعدہ کیا تھا اور میں نے تم سے وعدہ کیا پھر وعدہ خلافی کی اور میرا تم پرکوئی زور نہیں چلتا تھا مگر یہ کہ میں نے تمہیں صرف دعوت دی اور تم نے میرا کہنا مان لیا پس اب تم مجھے ملامت نہ کرو بلکہ خود کو ملامت کرو (آج) نہ تو میں تمہارے فریاد رسی کرسکتا ہوں اور نہ تم میری فریاد رسی کر سکتے ہو، پہلے تم مجھے (اللہ کا شریک) بناتے تھے میں (اب) یقینا اس سے بیزار ہوں، ظالموں کے لیے تو یقینا دردناک عذاب ہے
سورۃ ابراہیم (15)- آیت: 22



الله کا عذاب
اور سب اللہ کے سامنے پیش ہوںگے تو کمزور لوگ ان لوگوں سے جو (دنیا میں) بڑے بنتے تھے کہیں گے: ہم تمہارے تابع تھے تو کیا تم اللہ کے عذا ب کا کچھ حصہ ہم سے ہٹا سکتے ہو؟ وہ کہیں گے: اگر اللہ نے ہمارے لیے کوئی راستہ چھوڑ دیا ہوتا تو ہم تمہیں بھی بتا دیتے، ہمارے لیے یکساں ہے کہ ہم فریاد کریں یا صبر کریں، ہمارے لیے فریاد کا کوئی راستہ نہیں
سورۃ ابراہیم (15)- آیت: 21



کفر کرنے والوں کے اعمال
جن لوگوں نے اپنے رب کا انکار کیا ہے ان کے اعمال کی مثال اس راکھ کی سی ہے جسے آندھی کے دن تیز ہوا نے اڑا دیا ہو، وہ اپنے اعمال کا کچھ بھی (پھل) حاصل نہ کر سکیں گے، یہی تو بہت گہری گمراہی ہے - کیا تم نے نہیں دیکھا کہ اللہ نے آسمانوں اور زمین کو برحق پیدا کیاہے ؟ اگروہ چاہے تو تمہیںتباہ کر دے اور (تمہاری جگہ) نئی مخلوق لے آئے - اور یہ اللہ کے لیے کوئی مشکل کام نہیں ہے
سورۃ ابراہیم (15)- آیات: 18 تا 20



الله کا پیغام
ہم نے کوئی رسول نہیں بھیجا مگر اسی قوم کی زبان میں تاکہ وہ انہیں وضاحت سے بات سمجھا سکے پھر اس کے بعد اللہ جسے چاہتا ہے گمراہ کرتا ہے اور جسے چاہتاہے ہدایت دیتا ہے اور وہی بڑا غالب آنے والا، حکمت والا ہے
سورۃ ابراہیم (15)- آیت: 4



الله کی تدبیر
کیا ان لوگوں کو نظر نہیں آتا کہ ہم زمین کا رخ کرتے ہیں تو اس کو اطراف سے کم کرتے چلے آتے ہیں؟ اللہ حکم صادر فرماتا ہے اس کے حکم کو پس پشت ڈالنے والا کوئی نہیں اور وہ جلد حساب لینے والا ہے. اور بیشک ان سے پہلے والوں نے بھی مکاریاں کی ہیں لیکن تمام تر تدبیریں اللہ کے ہاتھ میں ہیں، وہ ہر نفس کے عمل سے باخبرہے اور کافروں کو عنقریب معلوم ہو جائے گا کہ عاقبت کا مسکن کس کے لیے ہے
سورۃ رعد (14)- آیات: 41، 42



نپا تلا رزق
اللہ جس کی چاہے روزی بڑھاتا ہے اور گھٹاتا ہے اور لوگ دنیاوی زندگی پر خوش ہیں جب کہ دنیاوی زندگی آخرت کے مقابلے میں ایک (عارضی) سامان ہے
سورۃ رعد (14)- آیت: 26



الله کا گهر
اور جو لوگ اپنے رب کی خوشنودی کی خاطر صبر کرتے ہیں اور نماز قائم کرتے ہیں اور جو روزی ہم نے انہیں دی ہے اس میں سے پوشیدہ اور علانیہ طور پر خرچ کرتے ہیں اور نیکی کے ذریعے برائی کو دور کرتے ہیں آخرت کا گھر ایسے ہی لوگوں کے لیے ہے
سورۃ رعد (14)- آیت: 22



الله سے ڈرتے رہنے والے
جو اللہ کے عہد کو پورا کرتے ہیں اور پیمان کو نہیں توڑتے - اور اللہ نے جن رشتوں کو قائم رکھنے کا حکم دیا ہے انہیں قائم رکھتے ہیں اور اپنے رب کا خوف رکھتے ہیں اور بر ے حساب سے بھی خائف رہتے ہیں
سورۃ رعد (14)- آیات: 20، 21

 

عقل والے لوگ
کیا جو شخص یہ جانتا ہے کہ جوکچھ آپ کے رب کی طرف سے آپ پر نازل کیا گیا ہے وہ برحق ہے، اس شخص کی طرح ہو سکتا ہے جو نابینا ہے ؟ نصیحت تو بس عقل والے ہی قبول کرتے ہیں
سورۃ رعد (14)- آیت: 19

 

 

سخت حساب لیا جائیگا
جنہوں نے اپنے رب کی دعوت مان لی ان کے لیے بہتری ہے اور جنہوںنے اس کی دعوت قبول نہیں کی وہ اگر ان سب چیزوںکے مالک بن جائیں جو زمین میں ہیں اور اتنی دولت مزید بھی ساتھ ہو تو وہ (آخرت میں) ان سب کو (اپنی نجات کے لیے) فدیہ دے دیں، ایسے لوگوں کا برا حساب ہو گا اور جہنم ان کا ٹھکانا ہو گا اور وہ برا ٹھکانا ہے
سورۃ رعد (14)- آیت: 18



بے اثر پکار
صرف اللہ کو پکارنا برحق ہے اور وہ اللہ کو چھوڑ کر جنہیں پکارتے ہیں وہ انہیں کوئی جواب نہیں دے سکتے، ایسے ہی جیسے کوئی شخص اپنے دونوں ہاتھ پانی کی طرف پھیلائے ہوئے ہو کہ پانی (از خود) ا س کے منہ تک پہنچ جائے حالانکہ وہ اس تک پہنچنے والا نہیںہے اور کافروں کی دعا (اسی طرح) محض بے سود ہی ہے
سورۃ رعد (14)- آیت: 14

مکمل تحریر >>